Сайт посвященный церковной истории

Святая София и

 Великий Новгород

История и

современность

История и современность
Яндекс.Метрика

Кликни на квадрат справа, чтобы открыть вкладки  сайта

Перепечатка в интернете разрешена при условии наличия активной ссылки на сайт " Святая София и Великий Новгород: История и современность".

Преподобный Нил Столобенский                                                     Преподобная Харитина, княгиня Литовская

Преподобный Савва Вишерский (1460)

 

День памяти 14/1 октября (1461+)

 

Святые мощи почивают в Покровском соборе города Великого Новгорода

Преподобный Савва Вишерский

Тропарь, глас 4.

 

От юности твоея весь Богу поработился еси, блаженне, и Того ради любве отечество и род оставил еси, в пустыню вселився и в ней жестокое житие показав, чудес дарования от Господа приял еси, Савво преподобне, моли Христа Бога спастися душам нашим.

 

Кондак, глас 8.

 

Отечества, преподобне, удалився и вселився в пустыню, и тамо на столп вшед, идеже жестокое житие показал еси, и многих житием удивив, отнюдуже дарование чудес от Христа приял еси, поминай нас, чествующих память твою, да зовем ти: радуйся, Савво, отче наш.

 

Величание.

 

Ублажаем тя, преподобне отче Савво, и чтим святую память твою, наставниче монахов и собеседниче Ангелов.

 

Молитва, читаемая в Новгородском Покровском соборе.

 

О великий угодниче, преславный чудотворче и (обители сея) богодухновенный наставниче, Савво всеблаженне, душею на небеси Престолу всех Царя предстоящий, телом же (во святей обители сей) зде почивающий, и различная чудеса повсюду молитвами твоими совершаяй, призри милостивно на предстоящия и твоего ко Господу Богу ходатайства во обдержащих нуждах люди просящия: вси бо мы, по множеству грехов наших, не точию смеем принести когда молебный глас, но ниже возвести очес своих на небо; ты же, яко стяжавый дерзновение, принеси за всех, к честней раце твоей притекающих, теплыя молитвы к Господу, еже избавитися нам от глада, потопа, труса, огня, меча и брани, от людей и от диавола бывающия, и от всякия душевныя и телесныя болезни; да избавившеся сих и работая Господу, Ему же предстоиши, внидем в нескончаемый покой и прославим тамо с тобою всех благих Подателя Бога, всегда, ныне и присно, и во веки веков. Аминь.