Ве́рный учени́к Христа́ да́же до сме́рти быв, преподобному́чени-че Гаврииле приснопа́мятне, по́двиги бо поста́ и кро́вию муче́ний зе́млю Ру́сскую освяти́л еси́. Те́мже и мы, ча́да твоя́, любо́вию вопие́м ти: сла́ва Да́вшему ти кре́пость, сла́ва Венча́вшему тя, сла́ва Просла́вльшему тя с новому́ченики Росси́йскими.
Кондак, глас 3, общий.
Мирска́го мяте́жа удали́вся, до́бре Бо́гу послужи́л еси́, во дни же гоне́ний на це́рковь Ру́сскую кровь твою́ за Христа́ пролия́л еси́ и страда́ньми твои́ми зе́млю на́шу обагри́л еси́. Те́мже моли́ся, преподобному́чениче Гаврииле, сохрани́тися ей в правосла́вии и благоче́стии до сконча́ния ве́ка.