Сайт посвященный церковной истории

Святая София и

 Великий Новгород

История и

современность

История и современность
Яндекс.Метрика

Кликни на квадрат справа, чтобы открыть вкладки  сайта

Перепечатка в интернете разрешена при условии наличия активной ссылки на сайт " Святая София и Великий Новгород: История и современность".

НОВГОРОДСКАЯ ПЕРВАЯ ЛЕТОПИСЬ МЛАДШЕГО ИЗВОДА
(Комиссионный, Академический, Толстовский списки)

В лѣто 6766 [1258]. Приидоша Литва с полочаны къ Смоленьску и взяша Воищину на щитъ. Тои же осени приходиша Литва к Торжьку, и высушася новоторжьци, и по грѣхомъ нашимъ повергоша Литва подсаду; овых избиша, а иных руками изимаша, а иныи одва избѣжаша, и много зла бысть в Торжьку. Того же лѣта взяша Татарове всю землю Литовьскую, а самых избиша.

 

В лѣто 6767 [1259]. Бысть знамение в лунѣ, яко ни знамениа не бысть. Тои же осенѣ прииха Михаилъ Пинещиниць изь Низу лживым посольствомъ, рекь тако: «аще не иметеся по число, то уже полкы на Низовьскои земли»; и яшася новгородци по число. Тои же зимѣ приихаша оканнии сыроядци, внуци Агарины робы Авраамля, Берка и Касачикъ и с женами своими, и иных много; и бысть мятежь великъ в Новѣгородѣ, и по волости много зла учинишя, беруще туску оканнымъ Та/л.177./таром. И нача оканныи боятися смерти, рече Александру: «даи намъ сторожь, дажь насъ не избиють». И повелѣ князь стереци их сыну посадницю и всѣмъ дѣтемъ боярьскымъ по ночемъ. И ркоша Татаре: «даите намъ число, или не дасте и мы бѣжимъ прочь»; и чернь не хотѣша дати числа, нь «умремъ честно за святую Софѣю и за домы церковныя». Тогда издвоишася людие: кто добрых, тъ по святои Софѣи и по правои вѣрѣ; и створиша супоръ, вятшии велят ся няти меньщимъ по числу. И хотѣ оканныи побѣжатѣ, гонимъ святымъ Духомъ; и умыслиша свѣт золъ, какоударити на Новъгород на ону сторону, а друзии озеромъ на сю Вперёд; и възбрани имъ видимо христова сила, и не смѣша. И убоявъшися, почаша ся возити В на одину Вперёд къ святѣи Софѣи, ркуще: «положимъ главы своя у святѣи Софѣи». И бысть заутра, съѣха князь с Городища, и оканныи Татары с нимъ, и злых  свѣтомъ яшася по число: творяхут бо собѣ боярѣ легко, а меншимъ зло. И почаша ѣздити оканнии по улицамъ, пишюще домы крестияньскыя: зане навелъ богъ за грѣхы наша ис пустыня звѣри дивия ясти силных плоти и пити кровь боярьскую; и отъихаша оканнии, /л.177об./ вземше число, а князь Александръ послѣ поиха, а сына своего Дмитриа посадивъ на столѣ. Того же лѣта, на канунъ Бориша дни, бысть мразъ великъ по волости; нь господь не хотя мѣста сего святѣи Софѣи пуста оставити, и отврати ярость свою от нас и призри окомъ милосердия своего, кажа нас на покаяние; нь мы грѣшнии акы псы възвращаемся на своя блевотины, не помышляющи казни божиа, яже на ны приходит за грѣхы наша.

 

В лѣто 6768 [1260]. Бысть тишина все лѣто.

 

В лѣто 6769 [1261]. Архиепископъ новгородчкыи владыка Далматъ поби святую Софѣю всю свинцомъ, и даи ему богъ спасаная молитва, отпущение грѣховъ. Того же лѣта, на память святого Михаила сборъ, мѣсяца ноября въ 8, сгорѣ церковь святого Василья, а дворовъ добрых 30; а на завтрѣе на Слаквовѣ улицѣ сгорѣ церковь святыи Дмитрии, а домовъ добрых 50.

 

В лѣто 6770 [1262]. Срубиша новгородци город новъ; а с Литвою миръ взяша. Того же лѣта сгорѣ от грома церковь святых мученикъ Бориса н Глѣба: добра бо бяше и лѣпа. Того же лѣта. въ сенинѣ, идоша новгородци съ княземъ своимъ съ Дмитриемъ съ Александровицемъ великым полкомъ под Юрьевъ; и бяше тогда и Костяньтинъ князь, зять Александровъ, /л.178./ и брат Александровъ Ярославъ, съ своими мужи, и Полочьскыи князь Товтивилъ, а с нимъ полочанъ и Литвы 500, а новгородчкого полку бещисла, толко богъ вѣсть. И бяше град твердъ  Гюргевъ, въ 3 стѣны, и множество людии в немъ всякых, и бяше пристроилѣ собѣ брань на градѣ крѣпку; нъ честнаго креста сила и святѣи Софѣи 1- всегда низлагаеть неправду имѣющих: тако и сии град, ни во чтоже твердость его бысть, нь помощью божиею единемъ приступлениемъ взятъ бысть, и люди многы града того овых побиша, а другыя изимаша живы, а иныи огнемъ пожжены, и жены и дѣти их; и взяша товара бещисла и полона; а мужа добра застрѣлиша с города, и Петра убиша Мясниковица. И прииде князь Дмитрии всь здравъ в великыи Новъград со всими новгородци и съмногымъ товаромъ. Того же лѣта постави Василии черниць церковь святого Василья в Новѣгородѣ, а богъ, его вѣсть, своимъ ли или Борисовым Гавшиниц; нь подаи, господи, имъ отпущение грѣховъ, и святыи Василии. Тогда же поиде Александръ в Татары, и удержа его Берка, не пустя и в Русь; и зимова в Татарехъ, и разболѣся, и бысть в недузѣ крѣпци велми нездравъ.

 

В лѣто 6 /л.178об./771 [1263]. Прииде князь Александръ из Орды вельми нездравя, въ осенинѣ, и прииде на Городець, и пострижеся мѣсяца ноября въ 14 день, на святого апостола Филипа. Тои же нощи и преставися; и везоша его в Володимиръ, и положенъ бысть в монастыри въ церкви святыя Богородица Рожества; и снемшеся епископѣ и игумены и с митрополитомъ Кириломъ и съ всѣмъ иерѣискымъ чиномъ и съ всѣми черноризци и съ всѣми суздалци, и погребоша и честно мѣсяца того же въ 23, на святого Анфилофия; а даи, господи милосердыи, видѣти ему лице твое в будущии вѣкъ съ всими угодившими, сице же и за Новъград и за всю Рускую землю живот свои отдавая. Того же лѣта и в Литвѣ бысть мятежь, богу попущьшю на них гнѣвъ свои: въсташа сами на ся, убиша князя велика Миндовга свои сродници, свѣщавьшеся отаи всѣх. Того же лѣта роспрѣвшеся убоици Миндовговѣ о товаръ, убиша добра князя Полотскаго Товтивила, а бояры полочьскыя исковаша, и просиша у полочанъ сына Товтивилова убити; и онъ убѣжа в Новъгород с мужи своими. Тогда Литва посадиша своего князя в Полочькѣ; а полочанъ пустиша, коих бяху поималѣ с княземь их, и миръ взяша.

 

В лѣто 6772 [1264]. Выгнаша /л.179./ новгородци князя Дмитриа Александровича из Новагорода, сдумавше с посадникомъ Михаиломъ, зане князь их еще малъ бяше; а по Ярослава послаша, по брат Александровъ, въ Тфѣрь сынъ посаднич и лучьшии бояри.

 

В лѣто 6773 [1265]. Посадиша в Новѣгородѣ на столѣ князя Ярослава Ярослалица мѣсяца генваря въ 27, на святого Иоанна Златоустаго пренесение честных мощии его. Того же лѣта бысть мятежь велии на Литовьскои землѣ божиимъ попущениемъ: не тръпяше бо господь богъ нашь зрѣти на нечестивыя и поганыя, видя ихъ проливающи кровь крестианьскую акы воду, иныи расточены от них по чюжимъ землямъ; тогда господь въздасть имъ по дѣлом ихъ. Бяше у Миндовга, у литовьскаго князя, сынъ, имя ему Въишелгъ; того же избра господь поборника по правои вѣрѣ: шедши в гору Синаискую от отца своего и от рода своего и от поганыя вѣры своея, позна истинную вѣру крестияньскую, и крестися въ имя Отца и Сына и святого Духа, и научися святымъ книгамъ, и пострижеся въ мнишьскыи чинъ въ Святои горѣ; и пребывъ тамо 3 лѣта, поиде в землю свою и прииде ко отцю своему. Отець же его поганъ, ласкаше его остатися от вѣры крестияньскыя и черничества /л.179об./ и прияти царство свое; он же въоруженъ силою крестъною, не хотѣ слышати ласкы отца своего, ни прещениа его не убояся, нь изъшед от отца, съгради собѣ монастырь въ крестианех, и ту пребываше, славя святую Троицу, Отца и Сына и святого Духа. По убиении отца своего, не хотящу ему сего створити, нь богу попущьшю на них, на поганую Литву, за крестияньскую кровъ, вложи сему въ сердде, соимя ризу съ собе, обѣщася богу на 3 лѣта, како прияти  риза своя, а устава мнишкаго не остася; скопи около себе вои отца своего прйятели, помоляся кресту честному, шедши на поганую Литву, и побѣди их, и стоя на земли их все лѣто. Тогда оканнымъ възда господь по дѣлом их: всю бо землю их оружиемь  плѣни, а по крестияньскои земли веселье бысть всюда. Тогда же въбѣгоша Литвы въ Плесковъ съ 300 и с женами и с  дѣтми, и крести их князь Святославъ с попы плесковьскыми и со плесковици; а новгородци хотѣша их изьсѣщи, нь не выда ихъ князь Ярославъ, и не избиени быша.

 

В лѣто 6774 [1266]. Посадиша плесковици у себе князя Довмонта литовьскаго. Того же лѣта вложи богъ въ сердце Домонту благодать свою поборнику быти по святои Со/л.180./фѣи и святѣи Троицѣ, отмьстити кровъ крестияньскую, и поиде съ плесковици на братью свою поганую Литву, и много ловоеваша, и княгиню Герденеву възя, и два княжичица плениша. Князь же Гердень, скопивъ около 87 себе силу литовьскую, погонися по них. И яко увѣдаша плесковици погоню, отослаша полонъ, а сами сташа крѣпко противу им о сию Вперёдвины.

Литва же начаша бродитися на сию Вперёд; тогда плесковици сняшася с ними; и пособи богъ князю Домонту со плесковици, и много множество их побиша, а инѣи в рѣцѣ истопоша, и толко убѣжа единь князь Гердень в малѣ дружинѣ; плесковици же приидоша вси здрави. Того же лѣта, на зиму, ходиша пакы плесковицѣ на Литву съ княземъ своимъ с Домонтомъ. Того же лѣта прииде князь Ярославъ с полкы своими в Новъгород, хотя ити на Плесковъ на князя Домонта; и новгородци же възбраниша ему, глаголюще тако: «еще, княже, тобѣ с нами увѣдавшеся, тоже ити на Плесковъ»; князь же отосла полкы назад.

-

В лѣто 6775 [1267]. По грѣхомъ нашимъ загорѣся на Кузмодемьянѣ улици мѣсяца маия въ 23, пред вечернею, и погорѣ всь конець Неревъскыи. О горе, братье, толь лют пожаръ, яко /л.180об./ и по водѣ огнь хожаше, и много товара погорѣ на Волховѣ в лодьях, и нѣколико головъ сгорѣ, и одиномъ часѣ все погорѣ; и мнози от того разбогатѣша, а инѣи обнищаша мнозѣ. Того же лѣта ходиша новгородци съ Еулферьемь Сбыславицемъ и с Домонтом, со пьсковици на Литву, и много ихъ повоеваша, и приидоша вси здрави.

 

В лѣто 6776 [1268]. Сдумаша новгородци съ княземъ своимъ съ Юрьемъ, хотѣша ити на Литву; и яко быша на Дубровнѣ, бысть распря, инѣи хотѣша на Литву, а инии на Полтескъ, а иныи за Нарову, въспятишася и поидоша за Нарову къ Раковору, и много земли их потратиша, а города не взяша; и застрѣлиша с города мужа добра Федора Сбыслалица, иных человѣкъ 6; и приѣхаша вси здрави. Того же лѣта сдумавше новгородци с посадникомъ Михаиломъ, призваша князя Дмитриа Александровича ис Переяславля с полкы, а по Ярослава послаша; и Ярославъ въ свое мѣсто посла Святослава с полкы. Изыскаша масторы порочоныя, и начаша чинити порокы во владычнѣ дворѣ. Прислаша Нѣмци послы своя, рижанѣ, вельяжанѣ, юрьевци и из ыных городовъ, с лестью глаголюще: «намъ с вами миръ; перемогаитеся с колыванци и с раковорци, а мы к нимъ не приставаемъ, а крестъ цѣлуемъ». И целоваша послы /л.181./ крестъ; а тамо ѣздивъ, Лазарь Моисѣевич водилъ их къ кресту, пискуповъ и божиих дворянъ, яко не помагати имъ колыванцомъ и раковорцемъ; и пояша на свои рукы мужа добра из Новагорода Семьюна, цѣловавше крестъ. И совокупившеся вся княжениа в Новъгород: Дмитрии, Святославъ, брат его Михаилъ, Костянтинъ, Юрьи, Ярополкъ, Домонтъ Плесковьскыи, и иных князь нѣколико, поидоша к Раковору мѣсяца генваря въ 23; и яко внидоша в землю их, и раздѣлишася на три пути, и много множество их воеваша. И ту наихаша пещеру непроходну, в неи же бяше много Чюди и влѣзъше, и бяше нѣлзѣ их взяти, и стояша 3 дни; тогда мастеръ порочныи хытростню Вперёдних воду, Чюдь же побѣгоша сами вонъ, исѣкоша ихъ, а товаръ новгородци князю Дмитрию всь отдаша. И оттолѣ поступиша къ Раковору; и яко быша на рѣцѣ Кѣголѣ, и ту устрѣтоша стоящь полкъ нѣмечкои; и бѣ видѣти якои лѣсъ: бѣ бо совокупилася вся земля Нѣмечкая. Новгородци же не умедляще ни мало, поидоша къ нимъ за рѣку, и начаша ставити полкы; плесковици и сташа по правои руцѣ, а Дмитрии и Святославъ сташе по праву же выше, а по лѣвую ста Михаилъ, /л.181об./ новгородци же сташа в лице желѣзному полку противу великои свиньи. И тако поидоша противу себѣ; и яко съступишася, и тако бысть страшно побоище, яко же не видали ни отци, ни дѣди. И ту створися зло велико: убиша посадника Михаила, Твердислава Чермнаго, Никифора Радятиница, Твердислава Моисиевича, Михаилу Кривцевица, и Ивана, Бориса Илдятинича, брата его Лазаря, Ратшю, Василя Воиборзовица, Осипа, Жирослава Дорогомиловица, Поромана подвоискаго, и Полюда, и много добрых бояръ, а иных черных бещисла людии; а и иных без вѣсти не бысть: тысячкого Кондрата, и Ратислава Болдыжевица, Данила Мозотиница, а и иных много, и богъ вѣсть, а плесковиць такоже  и ладожанъ; а Юрьи князь вдасть плеце, или перевѣтъ былъ в немъ, или богъ вѣсть. Тоже, братье, за грѣхы нас казнить богъ и отъятъ от насъ мужи добрѣ, и да быхомъ ся покаяли, якоже глаголеть писание: дивно оружье молитва и постъ, и пакы: милостинѣ совокупилася с постомъ и молитвою, от смерти избавляеть человѣка; и пакы помянемъ Исаия пророка, глаголюща: аще хощете послушати мене, благая земная снѣсте; аще ли не хощете, ни послушаете мене, оружие вы поя/л.182./сть, и поженеть единъ вас сто, а от ста побѣгнеть вас тма. Мы же тую страсть видѣвше, никакоже покаяхомся грѣховъ своих, нь горши быхомъ на зло, братъ брата хотяще снѣсти завистию другъ друга, крестъ цѣлуете и пакы преступающе, и не вѣдуще, кака есть сила крестьная: крестомъ бо побѣжени бывают врагы и силы бѣсовьскыя, крестъ бо княземъ пособит ъ бранех, крестомъ бо огражаеми вѣрнии людие побѣжают супостаты противныя; иже бо крестъ преступят, то и здѣ казнь приимут, и на оном вѣцѣ муку вѣчную. Мы же на преднее възвратимся. Бывшю бо великому тому снятию и добрым мужемъ главами покывающе за святую Софѣю, господь милосердыи съсла милость свою въскорѣ, не хотя смерти грѣшнику до конца, кажа насъ и пакы милуя, отврати ярость свою от нас, и призри милосердымъ окомъ: силою креста честнаго и помощью святыя Софѣя, молитвами святыя владычиця наша богородица и всѣх святых, пособи богь князю Дмитрию и новгородцомъ, мѣсяца февраля въ 18, на память святого отца Льва, в суботу сыропустнои недѣлѣ; и гониша их, бьюще, до города, въ три пути, на 6 веръстъ, якоже не мощи коневи ступити трупьемь. И тако въспятишася от города, /л.182об./ и узриша иныи полкъ свинью великую, коя бяше вразилася в повозникѣ новгородчкыи; и хотѣша новгородци на них ударити, нь иныи ркоша: «уже есть вельми к нощи, егда како смятемся и побиемся сами»; и тако сташа ‘близъ противу себѣ, ожидающе свѣта. И тако оканнѣи преступници кресту, не дождавьше свѣта, побѣгоша. Новгородци же сташа на костех 3 дни, и приидоша въ Новъгород, привезоша братью свою избиеных, и положиша посадника Михаилу у святѣи Софѣи. А буди имъ, господи боже милостивыи и человѣколюбче, на оном вѣцѣ стати одесную тебе съ всѣми святыми угодившим ти от вѣка, иже кровь свою пролияша за святую Софѣю, живот свои отдавше честно. И даша посадничьство Павши Онаньиничю; а тысячкого не даша никомуже, чи буде Кондратъ живъ.

 

В лѣто 6777. [1269] Приидоша Нѣмци в силѣ велицѣ под Плесковъ в недѣлю на всѣх святых, и приступиша къ городу, и не успѣша ничтоже, нь болшюю рану въсприяша, и стояша днии 10. Новгородци же съ княземъ Юрьемъ погонишася по них, инѣи на конехъ, а инѣи в носадех поѣхаша вборзѣ; и яко увѣдаша Нѣмци новгородскыи полкъ, побѣгоша за рѣку. /л.183./ Новгородци же приихаша въ Плесковъ и взяша миръ чресъ 63 рѣку на всеи волѣ новгородчкои. Того же лѣта прииде князь Ярославъ в Новъгород, и нача жалити: «мужи мои и братья ваши побита; а вы розъратилися с Нѣмци», и на Жирослава Давыдовица и на Михаила Мишинича и на Ельферья Сбыславича, хотя их лишити волости. Новгородци же Вперёдх; и князь хотяше ѣхати из города. Новгородци же кланяхуся ему: «княже, тымъ гнѣва отдаи, а от нас не ѣзди»; и еще бо не добрѣ ся бяху умирилѣ с Нѣмци. Князь же того не послуша и поихаше прочь. И послаша владыку с вятшими мужи с молбою, и въспятиша его с Броньници. Тогда же даша тысячкое Ратибору Клуксовичю по княжи воли.

Того же лѣта, на зиму, князь Ярославъ, с новгородци сдумавъ, посла Святослава на Низовьскую землю плъковъ копить, и совокупи всю князью и полку бещисла, и приведе в Новъгород; и ту бяше баскакъ великыи володимиръскыи, именемъ Амраганъ, и хотѣша ити къ Колываню. И увѣдавше Нѣмци, прислаша послы с молъбою: «кланяемся на всеи воли вашеи, Наровѣ всеи отступаемся, а кровй не проливаите»; и тако новгородци, /л.183об./ гадавше, взяша миръ на всеи воли своеи. Князь А же хотѣ ити на Корѣлу, и умолиша новгородци не ити на Корѣлу; князь же отосла полкы назад.

 

В лѣто 6778 [1270]. Преставися Варламъ, игуменъ святого Георгиа, анхимандрит новгородчкои. Того же лѣта бысть мятежь в Новѣгородѣ: начаша изгонити князя Ярослава из Новагорода, и созвониша вѣче на Ярослалѣ дворѣ, и убиша Иванка, а инии вбѣгоша въ Николу святыи; а заутра побѣжаша к князю на Городище тысячкои Ратиборъ и Гаврила Кыяниновиць а инии приятели его. И взяша домы их на грабление и хоромы рознесоша; а къ князю послаша на Городище, исписавше на грамоту всю вину его: «чему отнялъ еси Волхово гогольными ловци и поле отъялъ еси заяцьими ловци; чему взялъ еси Олексинъ дворъ Мъртькинич; чему поималъ еси серебро на Микифорѣ Манущиници, и на Романѣ Болдыжевици, и на Валфромѣи; а иное, чему выводишь от нас иноземца, которыи у нас живут», а того много вины его; «а нынѣ, княже, не можемъ тръпѣти твоего насилья; поиди от насъ, а мы собѣ князя промыслимъ». Князь же присла на вѣче Святослава

и Ондрѣя Воротиславьлица с поклоном: «того всего лишюся, а кре/л.184./стъ цѣлую на всеи воли вашеи». Новгородци же отвѣцяша: «княже, поѣди прочь, не хотимъ тебе; или не идешь, сице идемъ весь Новъгород прогонить тебе». Князь же поиде из города по неволѣ; новгородци же послаша по Дмитриа Александровича; Дмитрии же отречеся, ркуще им: «не хощу взяти стола перед строемъ своимъ». И быша новгородци печални; а Ярославъ нача полкы копити на Новъгород, и бѣ послалъ къ цесарю татарьскому Ратибора, помоци прося 19 на Новъгород. И се учювъ князь Василии Ярославлиць, присла послы в Новъгород, рекъ тако: «кланяюся святѣи Софѣи, и мужемъ новгородцомъ; слышалъ есмь, аже идет Ярославъ на Новъград съ всею силою своею, и Дмитрии с переяславци, и Глѣбъ съ смолняны; и жал ми своея отцины»; а самъ поѣха в Татары, поимя съсобою Петрилу Рычага и Михаилу Пинещиница, и возврати татарьскую рать, рекъ тако цесарю: «новгородци прави, а Ярославъ виноватъ». Уже бо бяше цесарь отпустил рать на Новгород по Ратиборову лживому слову, рече бо Ратиборъ цесарю: «новгородци тебе не слушают; мы дани тобѣ прошалѣ, и они нас выгнали, а иных избилѣ, а Ярослава беществовалѣ». Новгородци же поставиша острогъ около /л.184об./ города по обѣ сторонѣ, а товаръ въвозиша в город. И пригониша сторожеви Ярославли без мала до Городища, и выидоша всь град въ оружьи от мала и до велика къ Городищу, и стояша 2 дни пѣши за Жилотугомъ, а коневницѣ 80 за Городищемъ. То увѣдавъ, Ярославъ поиде об ону сторону к Русѣ и сѣде в Русѣ, а в Новъгородъ присла Творимира: «всего, что вашего нелюбиа до мене, того лишаюся; а князи вси за мене поручатся». Новгородци же послаша к нему Лазаря Моисиевича: «княже, сдумалъ еси на святую Софѣю; и ты оиди, дажь изомремъ честно за святую Софѣю; у нас князя нѣту, нь богъ и правда и святая Софѣя, а тебе не хощемъ». И совокупишася в Новъгород вся власть Новгородчкая, плесковици, и ладожанѣ, и Корѣла, Ижера, и Вожанѣ; и идоша в Голина от мала и до велика, и стояша недѣлю на бродѣ, а Ярослаль полкъ ста об ону сторону. И присла митрополит грамоту в Новъгород, рекъ тако: «мнѣ поручилъ богъ архиепископью в Рускои земли, вамъ слушати бога и мене; крови не проливаите, а Ярославъ всеи злобѣ лишаеться, а язъ за то поручаюся; аще будет крестъ цѣловали, и язъ за то прииму опитимъю и за то отвѣтъ дамъ /л.185./ пред богомъ». И не вда богъ кровопролитья крестияномъ. И присла Ярославъ с поклономъ в новгородчкыи полкъ, и взяша миръ на всеи волѣ новгородстѣи и посадиша Ярослава, и водиша его къ кресту на всеи волѣ новгородскои. Того же лѣта, на зиму, иде князь Ярославъ в Володимирь, и оттоле иде в Орду, а в Новѣгородѣ остави Андрѣа Воротиславица, а плесковицемъ да князя Аигуста.

 

В лѣто 6779. [1271] Померче солнце в недѣлю 5 недѣли поста в полутра и пакы наполнися, и ради быхомъ. Того же лѣта постави церковь святого Савы Федоръ Хотович. Поставиша же и другую святого Кузмы и Дамиана на Холопьи улици.

 

В лѣто 6780 [1272]. Преставися князь великыи Ярославъ Ярославиць в Татарех, Новгородчкыи, и положенъ бысть въ Тфѣри  у святых бесребреникъ Козмы и Дамияна. И присла Дмитрии князь послы своя в Новъгород с поклоном, хотя сѣсти в Новѣгородѣ; и Василии Ярославич такоже присла с поклоном, хотя сѣсти В на столѣ. И сташа обои послы на Ярославлѣ дворѣ. Новгородци же с посадникомъ Павшею яшася по Дмитрия и послаша по него.

1244 - 1257                                                   Содержание                                                            1273 - 1311 

1244 - 1257                                                   Содержание                                                            1273 - 1311