Яко искра по стеблию востекла еси к горнему Иерусалиму, святая мученице Екатерино, чашу страданий земных испившая, супруга своего, чад и богатства земнаго лишившаяся, горькия работы и убиение за Христа прияла еси, сего ради и введе тя Господь во светлыя обители Своя.
Кондак, глас 2, общий мученице.
Храм твой всечестны́й, я́ко цельбу́ душе́вную обре́тше, вси ве́рнии велегла́сно вопие́м ти: де́во му́ченице Екатерино великоимени́тая, Христа́ Бо́га моли́ непреста́нно о всех нас.