Сайт посвященный церковной истории

Святая София и

 Великий Новгород

История и

современность

История и современность
Яндекс.Метрика

Кликни на квадрат справа, чтобы открыть вкладки  сайта

Перепечатка в интернете разрешена при условии наличия активной ссылки на сайт " Святая София и Великий Новгород: История и современность".

Благоверный князь Всеволод - Гавриил Псковский                                   Благоверный Олаф, король Норвежский

Святой благоверный князь Мстислав Храбрый

 

День памяти 27/14 июня (1180+)

 

Святые мощи покоятся в Софийском соборе города Великого Новгорода

благоверный князь Мстислав Храбрый

Тропарь, глас 4.

 

Измлада явился еси, богомудре княже Мстиславе, Божественный сосуд, избран Богови, благочестием воспитан, веру непорочну соблюл еси. Темже предстоя Святей Троице,  молися стране Российстей сохраненной быти и всем нам спастися.

 

Кондак, глас 8.

 

Многомудренно пожив в княжении твоем в Великом Новеграде сем, благоверный княже Мстиславе, плод благий Богови в жизни сей был еси, присноцветущ  добродетельми, того ради получил еси жизнь вечную на Небесех, тело же твое нетлением прославлено бысть на земли. Мы же, предстояще иконе твоей, любовию вопием ти: радуйся, утверждение граду нашему.

 

Величание.

 

Величаем тя, святый благоверный княже Мстиславе, и чтим святую память твою, ты бо молиши за ны Христа Бога нашего.

 

Молитва, читаемая в Софийском соборе.

 

О, святый благоверный княже Мстиславе! Со умилением предстояще ныне (пред священной ракой твоей), усердно молим тя: ты на земли быв князем земнаго удела твоего, Великого Новаграда, бодренно и мужественно не токмо от супостатов охранял еси страну нашу, но и всем окрестным народам великою и славною и страшную явил еси область Пречистыя Богородицы, небесныя Воеводы и Заступницы нашея перед Богом: и ныне дерзновением своим пред Небесным Царем  охраняй нас от всякаго врага и супостата, наипаче же от диавольскаго нападения; ты, пребывая в славном  княжении, наипаче того славно и прекрасно просиял еси богоугодным, добродетельным и молитвенным пред Господем житием твоим, настави и нас во обычном нашем житейском делании не свою волю, но волю Божию искати и совершати, да такожде везде в доброделании и молитве ходим пред всевидящим Вседержителем, уготовляя себе кийждо к вечной жизни во Царствии Отца Небеснаго, ты в земном твоем странствовании дивно прославил еси Спасителя Бога, ему Единому работая в нелицеприятной совести; и ныне, предстоя Ему на небеси, испроси и нам спасительную силу Всесвятаго и Вседержительнаго Духа, да вселится и возглаголет в нас велении Своими, да тако и в нас прославится дивный во святых Своих Бог, в Троице поклоняемый, Ему же слава во веки веков. Аминь.