Сайт посвященный церковной истории

Пути

Великого Новгорода

История и

современность

Яндекс.Метрика

Перепечатка в интернете разрешена при условии наличия активной ссылки на сайт " Пути Великого Новгорода: История и современность".

Преподобный Ксенофонт Робейский

Тропа́рь, глас 4.

 

Пусты́ни яви́лся еси до́брое прозябение, о́тче преподо́бне, от ю́ности бо чи́стое житие́ изво́лил еси́, духо́вному учи́телю после́дуя, и того́ учением ум твой к Небе́сным впери́в, в пусты́ню всели́лся еси́, и в ней оби́тель созда́л еси, и ста́ду твоему́ прему́др наста́вник показа́лся еси́, вели́кому же Новугра́ду похвала́ и утвержде́ние; темже и Христо́с, я́ко пресветла свети́льника, чудесы́ обогати́ и просла́ви тя, Ксенофо́нте, о́тче наш, моли Христа́ Бо́га спасти́ся душа́м на́шим.

 

Кондак, глас 2, общий.

 

Чистотою душевною божественно вооружився, и непрестанныя молитвы, яко копие вручив крепко, пробол еси бесовская ополчения, Ксенофонте отче наш, моли непрестанно о всех нас.

 

Молитва.

 

О преславне чудотворче, преподобне отче Ксенофонте, данною ти свыше благодатию различная источаяй чудеса, призри милостивно на предстоящия (честней твоей раце) люди и просящия сильныя твоея помощи, да твоими молитвами наставляеми,   маловременное  житие совершим богоугодне и ненаветно от козней лукаваго диавола; и во исходе душ наших помози нам многогрешным избавитися воздушных мытарств и вечнаго мучения,  и да улучим твоим ходатайством небесная благая, яже святым уготованная, и прославим вкупе с тобою всех благих Подателя, Единаго Всесильнаго в Троице Святей прославляемаго Бога, Отца и Сына и Святаго Духа и твое милостивное предстательство, ныне и присно и во веки веков. Аминь.