Сайт посвященный церковной истории

Пути

Великого Новгорода

История и

современность

Яндекс.Метрика

Перепечатка в интернете разрешена при условии наличия активной ссылки на сайт " Пути Великого Новгорода: История и современность".

Праведный Иаков Боровичский                                                                            Блаженный Николай Кочанов

Праведные отроки Иоанн и Иаков Менюшские

Тропарь, глас 1.

 

Болезньми святых праведных отроков Иакова и Иоанна, имиже о Тебе пострадаша, умолен буди, Господи, и вся наша болезни исцели, Человеколюбие, молимся.

 

Ин тропарь, глас 4.

 

Имущим непорочную душу, от купели святаго крещения и в младенчестве Христа ради страдания претерпевшии, Богом избраннии блаженнии отроцы Иоанне и Иакове, молите милостивого Бога телесныя немощи недужных младенцев целити, мир стране Российстей даровати, и душам нашим велию милость.

 

Кондак, глас 8.

 

Преудобренную и похвальную двоицу почтим по достоянию, Иакова блаженнаго и Иоанна всехвальнаго; тии бо младенческую немощь отвергше, страдания претерпеша, тем вси вопием, слава Давшему вам крепость, слава Венчавшему вас, слава Дающему вас ради исцеления.

 

Величание.

 

Величаем вас, святии отроцы Иоанне и Иакове, и чтим святая страдания ваша, вы бо молите за нас Христа Бога нашего.

 

Молитва, читавшаяся в церкви с.Менюша.

 

О святии праведнии отроцы Иоанне и Иакове, приснии о предстоящих во храме сем молитвенницы! Вы, от купели святаго крещения Богом избрани бывшее, венцем страдальческим от Христа украшении бысте; о Нем бо дивную кончину во младенчестве прияли есте. Молим убо вас, о святии, якоже некогда звероловцем , заблудшим в чащи древес, путь правый указали есте, и иноку болящему исцеление даровали есте, тако и нас, ранами страстей болезненно одержимых, от всякого зла избавите. Внемлите же горькому воплю отец и матерей, (немощные младенцы своя к честней раце мощей ваших повергающих), ускорите на помощь, облегчите скорби сердец их, недуги же телесныя, вкупе и душевныя уврачуйте, и будите стена тверда и помощь крепка всем просящим вашего заступления. Храм же ваш святый от всякаго злаго обстояния сохраните; обителем веси сея ходатайством вашим мир от Господа славы низпослите, изобилие же плодов земных и во трудех наших благопоспешество нам подавайте; по кончине же Небесное Царствие получити вся помощь вашу призывающия сподобите, идеже вси праведнии вкупе с вами хвалят пречестное и великолепое имя Отца и Сына и Святаго Духа во веки веков. Аминь.