Сайт посвященный церковной истории

Пути

Великого Новгорода

История и

современность

Яндекс.Метрика

Перепечатка в интернете разрешена при условии наличия активной ссылки на сайт " Пути Великого Новгорода: История и современность".

Священномученик Иннокентий, архиепископ Винницкий

Тропарь, глас 4.

 

Светоче земли Винницкия, проповедниче Слова Божия, наставниче пастырей и утешение верных, столпе веры и утверждение упования, в любви Христовей пламенеяй и тем сердца наша возгреваяй. Архиерею премудрый, священномучениче отче Иннокентие, моли Христа Бога спастися душам нашим.

 

Кондак, глас 4.

 

Кровию твоею честною землю обагривый, живот свой за Христа не пощадив, звездо многосвесветлая земли Винницкия, Церкви Православныя украшение, не престаяй молитися о чадех твоих, поющих: радуйся отче Иннокентие, священномучениче Христов славный.

 

Молитва, читаемая в Винницкой епархии.

 

О преблаженне священномучениче отче Иннокентие, молитвы светильниче земли Винницкия у Престола Божияго! Восхотев орудием Господа быти, от юности своея образ ангельского жития приял еси и благодатию Святаго Духа святительского достоинства сподобился еси. Архиерею Божий, в смуты час стадо Христово соблюл еси, полагая душу свою за овцы своя. Ереси и расколы безстрашно обличая, старых всяко укреплял еси, юных добре вразумлял еси, дети научал еси, пастырей ободряя и наставляя. Чашу страданий достойне испил еси и во граде нашем смиренне венец Царства Небесного восприял еси. Ныне с сокрушенными сердцами и верою горячею молимся и просим тя: умоли Владыку Вседержителя даровати граду и стране нашей мир, тишину и покой, умирити враждующих, сохранити люди, отторгнути злобу бесовскую и водворити любовь Господню. Молитвами твоими, отче, да подаст нам Бог, в Троице славимый, подкрепление веры, слезами покаяния убеленное и Пречистыми Тайнами Тела и Крови Христовых очищенное сердце, освященныя благодатию душу и тело, и да сподобит нас выну славити Отца и Сына и Святаго Духа, и твое милостивное предстательство о нас, ныне и присно и во веки веков. Аминь.