Сайт посвященный церковной истории

Святая София и

 Великий Новгород

История и

современность

История и современность
Яндекс.Метрика

Кликни на квадрат справа, чтобы открыть вкладки  сайта

Перепечатка в интернете разрешена при условии наличия активной ссылки на сайт " Святая София и Великий Новгород: История и современность".

Икона Божией Матери Иверская                                                                            Собор Новгородских святых

Икона Божией Матери Старорусская

 

Празднование 17 (4) мая и 1 октября (18 сентября)

 

Чудотворный список находится в церкви святого великомученика Георгия города Старая Русса

 

 

 

Тропарь, глас 4.

 

Молитвенное предстательство града Старыя Руссы образ Твой чудотворный, Богородице Дево. Пред ним же молящеся, со умилением взываем: заступи, Заступнице, град Твой и люди. И мир Сына Твоего испроси всем нам.

 

Тропарь, глас 4, общий.

 

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы.

 

Кондак, глас 8.

 

Образ Твой Старорусский, Дево Мати Божия, во граде нашем древле явился еси. Града же Тихвина людем язвы смертоносныя избавил еси. И прибысть тамо до времени, но возвратися в дом Свой.

 

Кондак, глас 6, общий.

 

Не имамы иныя помощи, не имамы иныя надежды, разве Тебе, Владычице, Ты нам помози, на Тебе надеемся, и Тобою хвалимся, Твои бо есмы раби, да не постыдимся.

 

Величание.

 

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.

 

Молитва, читаемая и перед Казанской иконой.

 

О Пресвятая Госпоже Владычице Богородице! Со страхом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе, умоли, милосердая Мати, Сына Твоего и Бога нашего, Господа Иисуса Христа, да сохранит мирну страну нашу, Церковь Свою Святую да незыблемо соблюдет от неверия, ересей и раскола. Не имамы бо иныя помощи, не имамы иныя надежды, разве Тебе, Пречистая Дево: Ты еси всесильная христиан Помощница и Заступница. Избави всех с верою Тебе молящихся от падений греховных, от навета злых человек, от всяких искушений, скорбей, бед и напрасныя смерти; даруй нам дух сокрушения, смирения сердца, чистоту помышлений, исправление греховныя жизни и оставление прегрешений, да вси благодарне воспевающе величия Твоя, сподобимся Небеснаго Царствия, и тамо со всеми святыми прославим пречестное и великолепое имя Отца и Сына и Святаго Духа. Аминь.