Сайт посвященный церковной истории

Святая София и

 Великий Новгород

История и

современность

История и современность
Яндекс.Метрика

Кликни на квадрат справа, чтобы открыть вкладки  сайта

Перепечатка в интернете разрешена при условии наличия активной ссылки на сайт " Святая София и Великий Новгород: История и современность".

Икона Софии Премудрости Божия                                                           Икона Божией Матери Тихвинская

Находится в Софийском кафедральном соборе

 

Празднование 10 декабря (27 ноября)

Икона Божией Матери Знамение

Тропарь, глас 4.

 

Яко необоримую стену и источник чудес, стяжавше Тя раби Твои, Богородице Пречистая, сопротивных ополчения низлагаем.  Темже молим Тя, мир граду Твоему даруй и душам нашим велию милость.

 

Кондак, глас 8. 

 

Честнаго образа Твоего знамение празднующе людие Твои, Богородительнице, имже дивную победу на сопротивныя граду Твоему даровала еси, темже Тебе верою взываем: радуйся, Дево, христиан похвало.

 

Величание.


Величаем Тя, Пресвятая Дево, и чтим образ Твой честный, имже показала еси преславное знамение.

 

Молитва, читавшаяся в Знаменском соборе.

 

О, Пресвятая Дево, Мати Господа нашего, Царице небесе и земли! С верою и любовию пречистому образу Твоему поклоняющеся, молим Тя: якоже отцем нашим многажды в скорбех и напастех помощь Твою явила еси, тако и нас грешных сподоби Твоего Матерняго покрова и заступления. Се  вси мы, страстьми обуреваемии и грехи потопляемии, вечныя казни достойни есмы. Но на милость Твою уповающе, со слезами взываем Ти: о Мати всех скорбящих и обремененных, избави нас от падений греховных, от козней лукаваго, от навета злых человек и от всяких бед, утоли наша скорби и печали, болезни наша уврачуй, даруй нам прочее время живота нашего в мире и покаянии скончати, и на Страшнем Суде Сына Твоего явися нам милосердная Заступница, да вси поем и величаем Тя со всеми благоугодившими Богу всегда, ныне и присно и во веки веков. Аминь.

 

Молитва из Акафиста.

 

О Пресвятая и Преблагословенная Мати Сладчайшего Господа нашего Иисуса Христа! Припадаем и поклоняемся Тебе пред святою чудотворною иконою Твоею, воспоминающее дивное знамение Твоего заступления, великому Новеграду от нея явленное во дни ратнаго на сей град нашествия. Смиренно молим Тя, Всесильная рода нашего Заступнице: якоже древле на помощь отцем нашим ускорила еси, тако и ныне нас, немощных и грешных, сподоби Твоего Матерняго заступления и благопопечения. Спаси и сохрани, Владычице, под покровом милости Твоея Церковь Святую, град Твой (обитель Твою), всю страну нашу православную и всех нас, припадающих к Тебе с верою и любовию, умиленно просящих со слезами Твоего заступления. Ей, Госпоже Всемилостивая! Умилосердися на ны, обуреваемыя грехи многими, простри ко Христу Господу богоприимныя руце Твои и предстательствуй за нас пред благостию Его, просящи нам прощения прегрешений наших, благочестнаго мирнаго жития, благия христианския кончины и добраго ответа на Страшнем Суде Его, да, спасаеми всесильными Твоими к Нему молитвами, блаженство райское унаследуем и со всеми святыми воспоем пречестное и великолепое имя достопоклоняемыя Троицы, Отца и Сына и Святаго Духа, и Твое велие к нам милосердие во веки веков. Аминь.

Икона Божией Матери Знамение