Сайт посвященный церковной истории

Святая София и

 Великий Новгород

История и

современность

История и современность
Яндекс.Метрика

Кликни на квадрат справа, чтобы открыть вкладки  сайта

Перепечатка в интернете разрешена при условии наличия активной ссылки на сайт " Святая София и Великий Новгород: История и современность".

Праведная Гликерия                                                                 Праведные Иоанн и Иаков отроки Менюшские 

Праведный Иаков Боровичский

День памяти 4 июня/22 мая (около 1540+) и перенесение мощей 5 ноября/23 октября (1654)

 

Святые мощи почивают в Свято-Духовском соборе Духова мужского монастыря города Боровичи

 

 

 

Праведный Иаков Боровичский

Тропарь, глас 1.

 

Божественною благодатию просветився, и по смерти даруеши исцеление притекающим к тебе, премудре Иакове: темже и мы ныне чтим честных мощей пренесение, веселяще вкупе души и телеса. Тем вси вопием: слава Давшему ти крепость! Слава Венчавшему тя! Слава Действующему тобою всем исцеления!

 

Кондак, глас 8.

 

Верою и любовию твое честное пренесение празднующих, блаженне, сохрани и соблюди от веяния злобы и соблазна змиина, имаши бо дерзновение ко Владыце всех, Христу Богу, Его же моли спасти православныя люди, молящия тя, да вси вопием ти: радуйся, отче Иакове, всея Российския земли удобрение.

 

Ин кондак, глас 8.

 

Яко звезда многосветлая, отче, на востоце возсия, к западу прешел еси, блаженне, во твое пренесение, яко солнечныя лучи, испущаеши исцеления притекающим к раце мощей твоих, молися Христу Богу спасти православныя люди, молящияся ти, да вси вопием ти: радуйся, Богомудре Иакове.

 

Величание.

 

Ублажаем тя, святый праведный Иакове, и чтим святую память твою, ты бо молиши за нас Христа Бога нашего.

 

Молитва.

 

О, святый великий праведниче и преславный чудотворче, богоблаженный угодниче Христов Иакове, дивно прославленный на Небеси, и на земли данный нам от Господа целебниче и заступниче, к тебе припадаем с верою, любовию и благоговением и молимся от глубины души: помози нам, зело прогневавшим Господа и Создателя нашего, и испроси нам вся, яже к житию временному и спасению вечному потребная: земли плодоносие, воздухов благорастворение, душ и телес здравие, в покаянии и благочестии преспеяние, веры православныя укрепление, суеверия посрамление, неверия искоренение, и всякаго благаго прошения нашего ко Господу исполнение. Испроси у Господа (страждущую страну Российскую от лютых безбожник и власти их да свободит, и да возставит престол православных правителей),  верных рабов Его, в скорби и печали день и нощь вопиющих к Нему, многоболезненный вопль да услышит и да изведет от погибели живот наш. Услыши, угодниче Божий, всякую душу христианскую, в скорби и обстоянии тя молитвенно призывающую, ускори на помощь, облегчи скорби, уврачуй недуги и явися скорый предстатель требующих твоего заступления. Наипаче же в час кончины нашея не закосни приити на помощь нам и умоли Господа даровати нам кончину живота нашего мирну, безмятежну, святых Христовых Таин причастну и упования исполнену, да с надеждою спасения безбедно прейдем страшный путь воздушных мытарств, и непреткновенно достигнем вожделеннаго онаго Царствия, еже уготовал Господь любящим Его. Ей, святче Божий! Услыши нас и не презри моления нашего, но сотвори нас соучастники быти блаженства вечнаго, да вкупе с тобою спасеннии милосердием Христа Спасителя нашего воспоем и прославим Его со Отцем и Святым Духом, во веки веков. Аминь.