Кликни на квадрат справа, чтобы открыть вкладки сайта
Перепечатка в интернете разрешена при условии наличия активной ссылки на сайт " Святая София и Великий Новгород: История и современность".
НОВГОРОДСКАЯ ВТОРАЯ ЛЕТОПИСЬ
(по сборнику Архивского)
В лето 6923 (1415). Того же лета Новгородци здумавши на Ярославли двори, и сташа вечем у святей Софии, положиша, [три] жребии на престоле и имена написав: Самъсона че[р]нца от святаго Спаса с Хутыни, Михаила игумена святаго Михаила, [с] Сковородки, Лва игумена святе[й] Богородици с Колмова; и по отпении службе, Василей протопоп старой преже вынесе на вече Лвов жеребей, по сем Михаилов, на престоле остался Самсонов, [и] посадник Ондрей Иванович и тысяцый Александр Игнатьевич, с Ноугородци, возведоша Самсона в дом святей Софии честно на сени, месяца августа 11, в неделю, на паметь святаго мученика Еупла диакона. Той же зимы, февраля 23, в неделю мясопустную, поехал Самсон к митропо[ли]ту ставитися владыкою, а с ним послы Ноугородцкии: Василей Абакунович, тысяцкий Василей Есипович и тысяцый Александр Игнатиевич, и приеха[ша] на Москву.
в лета 6924 (1416), марта в 9, [на] 40 Мученик, по сборе в понеделник, а в четвер[ток] той же недели 12 день простил Бог в церкви святей Богородици у гроба Петра митрополита, у человека, нога прикорчена и исцели; а в неделю 2 поста, в 15 день, у черници`руци исцелиша. В той день Фотей митрополит Самсона диаконом, марта 3, постави, [а в] 21 день попом сверши, а в неделю средокрестную, 22, на память святаго отца Василиа, поставлен бысть архиепископом к Новугороду и в церкви святаго архистратига Михаила наречен бысть от митрополита Семионом; а на поставление было владык 5: Григорей Ростовский, Митрофан Суздальский, [Антоний Тферский], Сарский Тимофей, Исакъй Перемъский, при великом князи Василии Дмитреевичи и при брате Егорги [и] Костентине; а приехал с Москвы в Новгород, месяца априля в 16, в великий четверток, и посадник Богдан Иванович и тысяцкий Борис Васильевич, с игумены и попы и с крилосом святыа Софии, стретоша его со кресты, конец Славна, и ради быша Новгородци своему владыце; а владыко Семион того дни сверши литоргую во святей Софии, у своего престола, Богом дарованнаа[го] ему. На ту ночь преставися Наум крилошенин святей Софии (об. л. 95 —л. 97).
В лета 6925 (1417). В то же лето бысть мор страшный на людех, в Новегороде, и в Ладозе, и в Руси, и [в] Поръхове, и во Пскови, и в Торшку, и в Дмитрови, и во Твери, и по воластем и погостем и по манастырем. И како могу сказати беду ту грозную и тугу страшную, бывшюю в сей мор? Такова туга живым о мертвых! Понеже умножиша[ся] мертвых во градех и в селех, тех не успеваху живыи мертвых опрятывати, ниже доволни бываху здравии болящим послужити, но един здраво [многим] болящим на потребу да послужити. На всяк же день умираху толико, яко не поспеваху погре[ба]ти их в день, до захожениа солнечного; и во двори един человек останется, а в ином два, и мнози дворы пусты быша. А болезнь была такова: прежде яко рогатина ударить за лапатьку, или про[ти]ву сердца, под груди и промежду крил, и разболится, кто почнеть кровию хракати, и огнь разжеть, посем пот, потом дрожь иметь и по всем суставом походить в человеци недуг той естественый; железа же н[е] едина, же, иному на шеи, другому на стегне, овому под пазухою, и под скулою, и под лапаткою, и в паху, [и в] иных местех телесных; и в болезни полежавши и помроша. Мнозих же християн Бог милова своею милостю, и отъидоша житиа сего во ангельском мнишеском чину, от иерей маслом мазовшеся; и два посадника преставистася в том чину: Иван Александрович, [Борис Васильевич]. Владыка же Семеон, со всем священическом събором и с христианы, со кресты, обходи около всего Новагорода и по многим церквам и по монастырем, моляся Богу и Пречистыи его Матери и всем святым, о престании гнева Божиа. А христианы овии на конех, овии пеши, изо леса бре[в]ны привозили, поставиша церковь святыа, мученицы Анастасии, месяца октября 29, и свеща ю архепископ Семион, того же дни святую и литоргию сверши; а в останочных бревнах поставиша церковь святаго Илью конец Пруской улици, а Навоторжене такоже у себе в городе, единаго утра, поставиша церковь святаго Афонасиа, и попове свещаша ю собором (л. 51—об. л. 52).
ИНОЙ СПИСОК: [В лето] 6925 (1417), месяца июня в 10, гром бысть, в церкви святаго Ипатиа на Рогатици поплеша иконы. Того же месяца 24, на Рожество Иоана Предотечи, преставися владыко Иоан в Дерявеницком манастыри святаго Воскресениа, и положен бысть во притворе. На Москве преставися князь Иван, сын князя великого Василия большой (об.л.122 – л.123).
ДРУГОЙ СПИСОК: В лета 6925 (1417). Преставися владыко [Иоанн] того лета. Бысть мор того лета в Новегороди, и поставиша церковь святую Анастасею, и скопиша Новгородци денъги (об.л.62— л. 63).
В лето 6926 (1418), инъдикта 11. Того же лета бысть знамение в церкви [святей мученици Анастасии, идяше от иконы](*) святыа Богородицы Покрова аки кровь по обе стороны ризы ея, месяца априля в 19. Сего же месяца 24 здеяся таково в Великом Новегороди: научением дияволим, человек некий Степанко изымав болярина Данила Ивановича Божина внука, держаше [и] вопияше людем: «о друзи! пособьствуйте мне на злодиа, сего»; людие же, видяще его вопль, пришедше в[л]ечахуть якоже злого к сонъму людьскому и казниша ранами близ смерти. Бяше же и се дивно, или на укорение богатым, обидящим убогиа, или казнь ди[а]вола: жена некая, отвер[г]ши женьскую немощь, вземши мужскую крепость, выскочив же посреди сонмища дасть ему раны, укоряющи его яко неистова, глаголющи: яко оби[ди]ма есми им. И сведши его с [о]ньма, сринуша его с мосту аки разбойника и зло деюща людем много; некто же. людин, Личко, хотя[чи] ему добра, восхити его в челн; и народ возъярився на того рыболова, и дом его разграбиша, а сам ск[р]ыся. И рекомый болярин, хотя бе[з]честе свое мcтити, восхити супостата, нача его мучити; хотя вред свой исцелити паче язву воздвижет; не помяну рекшего: аз отмщение, глаголеть. Слышав же народ яко изыман брат [его], и нача звонити вече на Ерославли двори, и збирашеся людей множество, глаголюще, вопи[ю]ще по многи дни: «поиде[ме] на, [о]ного [бо]лярина и дом его разхитим». И пришедше в доспехах, [с] стягом, на Кузмодемъянской улици пограбиша дом его и на Яневой берег. И по грабеже том, Кузмодемьянци возъярившеся, да не горее что будеть на них, отда[ша] человека оного, пришедше ко архиепискону молиш[а его, да] пошлет на собор людск. Святитель же послуша моление их, посла, его с попом их да и [с] своим боярином; они же прияша его. И паки возъярившеся, аки пиани, о[т] ярости лютыа, на иного болярина Чюдинъцовы улици, и много с ним разграбиша, [домов боярьскых нь и монастырь святаго Николы на поле разграбиша], и игумена и чернцов оскорбиша, ркуще: «зде животы христиа[н]ския и болярьския». И еще того утра на Легощи улици разграбиша домы многих, глаголюще: «яко нам супостаты суть»; и тогда же на Прускую улицу поидоша. Услышавше же Пружене то, нача[ша] битися с ними, вооружившися стреляти; они же бежаша, и[н]ии же реющеся друг на друга и грабление изметаша. И от того часа нача злоба множатися: и прибежавше на свою страну Торговою, реша: «я[ко] Софи[й]скаа страна хощет на нас вооружившеся ити и домы наша грабити»; и почаша звонити по всему граду. Того же дни, в лютую ту брань, бысть гром велик и молниа блискаше, дождь и град, или того ради, или смотрениа Вышнего на потребу живущим народом. И начаша люд[и] срыскатися со обеих стран, аки на рать, на велкий мост, в доспесех; бяше и губление, ови от стрел, инии от коней, быша же мертвии аки на рати. От грозы тоя страшныа и от возмущениа востресеся град весь, и на[и]де страх на обе стране; и от лютыя брани и усобного губителства начаша животы свои носити в церковь. Слышав же то владыко Семион усобную рать промеж своими детми, испусти из очию слезы и повеле предстоящи[м] [собрати] соборы своя; а в то время прилучися быти Варламу, архимандриту святаго Егоргя, некиих ради вещей и слышати от него утешителная словеса, и глагола ему святитель: «архимандрите! последуй ми»; он же рече: «с радостию, учителю, иду по тебе». И вшед архиепископ в церковь святыа Софиа, нача молитися со слезами, и вступи в божественый олтарь и облечеся в свещеная ризы, [с] своим собором, и повеле взяти крест Господень и пречистыя Богородица образ, и поиде на великий мост, и по нем последующе священици, и причет церковный, и христоименитое людство; бяше же [на] пути теснота доспешными людми. И мнози добри мужи изо очию испущаху слезы, глаголюще: «да укротит Господь народы, молитвами господина нашего святителя»; и люде богобоязнивии, приподающе ко святителевома ногама, с п[л]ачем глаголаша: «поиди, святителю, благослови народы, да уставит Господь твоим благословением усобную рать»; ини же глаголаху: «да будет злоба, си на начинающих брань». Пришед святитель, ста среди мосту, и взем животворящей крест, нача благослов[л]яти обе страны; овии же взирающе на честный крест кланяхуся, инии видяще архепископа, из очю слезы испущающа, и нань смотряще прослезишася. Услышав же она страна святителево прихождение, и прииде к нему посадник Федор Тимофеевич, и с иными посадники и тысяцкими, и благоверии христане, и кланяхуся владыце, глаголюще: да, уставит народы. Владыка же послуша их молениа, посла архмандрита Варлама, [и] отца своего духовного, и протодякона на Ерославль двор ко святому Николе, да подадут благословение его сте[пенному] посаднику Василью Есиповичю, [и тысяцкому Кузьме Терентьевичю], и всему народу, да идут кождо во свояси. Они же отвещаша: «да повелить святитель своей стране во хоромы ити, а мы своей братии, по твоему благословению, повестуем и повелеваем им отъити в жилища». И събрашася посем с нарочетыми мужи разсудити вещи сиа начало, и разидошася благодаряще Бога и Пречистую [его] Матерь, глаголюще сице: [слава Богу], давшему нам таковаго святителя, могущаго управити своя дети и поучати словесы духовными, ового кротостию, иного обличе[ни]ем, иныя же запрещением, ноипаче же сию брань крестом Господним и поучением своим укроти; да сохранит его молитва нас и благословение от токоваго мятежа в веки, аминь.
В то же лето убиен бысть на Вятки Анъфан и сын его Нестер от Михаила Розсохина. Того же лета, поставлены быша 4 церкви камены: В[ла]си святый на Черницине улици, святый Сава на Кузмодемиянъекой улици, святы Илья у святаго Спаса на Хутыне, Воскресение Христово во опщем монастыри; да церковь деревену поставиша святаго Николу на Пидби (об. л.52 – об.л.56).
(*)Слова: святей… иконы взяты из Полн. Собр. Русск. Лет.,т. IIIстр.107.
В лето 6927(1419), маиа в 1 день, зогоре Славенский конец и Плотницький и до Федоровского ручия, церквей 24 огоре, и живот християнской множество згоре, а людей истопло в Волхове [и] от огня изгибло много. Того же лета преставися Иван посадник Богданович во мнишеском чину. Того же лета, априля 9, в неделю, при вечери, буря бысть велика ветрена, с вихром, и туча и дожди умножени со градом, и источници потекоша вод аки река силная, и молнни блистаниа и гром страшный; и [от] того страха потресеся земля, а людие ниц падоша, а понамарь церковный бысть мертв; и во дву церьквах, во святей Богородици на градных воротех и во святем цари Костянтине на Росткине улици, иконы ополеша от огня небеснаго (об. л. 121 — л. 122).
ИНОЙ СПИСОК: В лето 6927 (1419). Приехал князь Московскй Костентин на пригороды (л. 63).
В лето 6929 (1421). Того же лета бысть вода велика велми на Волхове и снесе 20 городень великого мосту, месяца априля 21 (об.л. 78).
ИНОЙ СПИСОК: В лето 6929 (1421). Того же лета бысть вода вельми велика на Волхове, и снесе 20 городень великого мосту, месяца априля 21. Слышахом от древних поведающе писание, паче же известно уведахом п[р]очитающе старыи летаписци, о ношеств[и]и в[о]дном, [еже бысть в Великом Новегороде в древняя лета, колико множеством водным] и возмущение[м] волн исторжена быша мостная строениа; и елико такова все то писанием число обретохом, [и] иная знамениа, некая бывающая, елико к наказанию нашему видехом в писании и сказанием мудрейших муж, лю[бя]щих почитати древняа писаниа, слышахом от них; якоже Соломон глаголаше: се же есть мудр, еже весть древняа поведа[ниа]. Ныне же, убо, быша прежереч[е]ннаго нашима очима, видехом великое нашествие водное, и еже от небесе страшное явление, иньдиктиона 14, при архиепископе Семионе, в лето 6-е владычества его. Толми бысть велико наводне[ни]е, устремляющеся на град, [и живущим в граде] необычная нужда, яко множество[м] воды и тяжкого нашествиа леднаго попрану быти мосту великому, мала же убо некая отчасти древеса у брега сущи остася, не токмо же единому но и прочим мнозим мостом, еже округ града, разрушеным быти до конца; еще же и примостки улицькии разбишася возмущением водным, не токмо же сиа, но и храмины мнози от основаниа испровержены быша, и елко в них сбывающее [изнесе] оно возмущение и зелнаа буря; неции же живяху на версех кождо храмины своея, великого ради наводнениа, друзии же на иное место преселишася о[т] нужда. Еще же и монастыри мнози`обстоит вода, яко 19 числом; иноци же убо не могуще ходити к церквам за умножение воды, но иныи в лодци путьшествуют к церкви, друзии же по доскам ходяще, и молитвеное све[р]шающе правило, якоже обычай имать церкви; во иных же церквах немощно`иереем литоргии свершати. [В] то же время, за умножение воды, еще же и ограды садовные разбиени быша, [и] иже в них древеса плодовита много искоренена от нужда водныя. Мнози же, убо, от крестиян одержими скорбию, тотоликого и зелнаго ради наводнения, дивящеся другъ другу глаголаху: «бо не сели ныне хощеть Бог навести на ны наказание, якоже при Нои бысть, грех ради наших»? (Се же бе мера вшествия воды, горе, до градных врат Прусския улици. В то же паки время, месяца маия в 19 день, на, память святаго мученика Патрекиа, в день неделный, в пришедити празник еже всем святым есть память, в заговейно Петрово, полунощи пришедши еже есть к понедльнику, бысть трус на небеси велик: вшедше туча силна, с полудни, испуща[я] гром страшен и молния огны[ная] с небеси блескающе, яко несть мощно человеком видети, и пришедши ста над градом, и убо тученосный облок на огнено видение преложеся, и в тацих же облацех помыш[л]аху людие всяко огнено быти, или пламени пожигаа грешники; и убоя[в]шеся людие от страха и [у]жасошася, вопияху койждо: [Господи помилуй. Бысть дождь] силен, и грады, убо, и камение являшеся изо облока. Се же все бысть смотрение милосердаго Бога, к накозаню нашему, не хотящаго смерти грешника, но и страша и претя нам, овогда, же и каз[н]я нас: понеже и велика нужда и злейша скорбь устрашает и приводит человека к вере и [к] памяти Божии. Якоже убо належащи велиций нужди, немала же боязнь вниди во гражены, некотору глаголюще нужду ти неисходну постигнути. Священиком же и самому архиепископу пришедшим в святую божию церковь, молящеся Богу и пречистей Богоматери, глаголюще: «пощади, Господи, люди своя; владыко! виждь нужду и створи человеколюбие, призри на ны милостивым с[во]им оком и [с]твори щедроты»; людие же взываху: Господи помилуй! Нощи убо [ис]ходящи, страшным видением, бысть невидимо до конца; пришедшу же дню, нося тишину велию и радость, на небе явися заря, такожде свет, и потом восия солнце, огненое же видение бысть невидимо до конца. И сего ради преложихом во свидетелство страшно чюдо и, необычное оно наводнение, яко да водрузится в мыслех слышащих и да пре[д]посылается частою памятию и сущих по сих, и тако [в] род и род, по Давыду: восхволяет дела, Божиа и силу его возвестит. Да видевши, убо, братие, божественную силу и разумевше страшное оно накозание долготерпеливаго владыки нашего Христа, убоимся и вострепещем, поминающе сия, и пот[щ]имся сохранити его заповеди; во злых убо суще и обратимся, а иже в добродетели и правде стояще не разленимся, ниже во зле живем. Бог гневается и претит нам, понеже согрешихом и презираем повелениа его; сия же показает на обращение нам, да отстанемся от злых, яко не сотворихом повелениа его. Придете, убо, купно и возопием ему: о владыко Христе, единородный Сыне человколюбнаго Бога и Отца! аще едино страшное оно видение прии[де] на ны, весь мир хотя въскоре погубити: но кто исповесть силу твою, Господи, или сотворить услышано все наказане твое, или [исповесть пришедшую тогда на люди твоя бурю сию? дай же мир и уставление живущим во граде твоем, смерти и глада избави, Владыко, огня и трусу и всякого инаго зла, мо[гу]щаго вредити ны, богатую помощь о тебе даруй. Того же лета, свершиша, 2 церкви каменыи: Исак Окинфович в монастыри на поле Богоявлениа, Василей Филипович с Лукианом Онцыфоровичем святый Спас на Розваже улици. Сентября 1 возведен бысть по жребию в дом святыа Софии Феодосей игумен святаа Троица с Клопска. Генваря 15 свершиша мост великии (об.л.113 – л.118).
ДРУГОЙ СПИСОК [В] лето 6929 (1421). Бысть вода велика и мост великий вынесе, и туча огнена з громом и с камением. И владыка Семион преставися; тогда возведоша игумена на сени от святыа Троица с Клопска (л.63).
ИЗ ИНОГО СПИСКА: В лето 6929 (1421). Престави[ша]ся два посадника в мнишеском чину, Федор Тимофевич, Александр Фомич. Июня 15 успе владыко Семион; был 5 лет и 3 месяци без пя[ти] дней, а всего 6 лет без дву месяц и без 4 дней; положен бысть на Древеници в монастыри. А в Новиг[о]роди восташа, два, конца, Нер[е]вьскй [и] Славенъ[с]ки, за Кле[ме]нтиа Артемъина про землю, [н]а посадника Андреа Ивановича, и грабиша двор его, в доспесех, и иных бояр разграбиша, дворы напрасно; и убиша, Андреевых посадниковых 20 человек до смерти, а Неревлен 2 человека, и смиришася (об. л. 56 —л. 57).
В лето 6930 (1422). Свершена быша 3 церкви камены: Воскресение Христово у Благовещениа в монастыри, Ио[а]н Милостивый в Люд[и]ни конци, Воскресение в Павлове монастыри. А Наугородци` целоваша крест за един брат. В си два лета глад бысть: наметаша, мертвых 3 скудельници, едину [у] святей Софии, а две у Рожества, на, поле (л. 118).
В лето 6931 (1423). Амельяна сведоша по жребию от святаго Въскресениа з Деревеницы(*). Сверьшиша 2 церкви: святую Богородицу на Колмове и святаго Якова на Лужи (л. 57).
(*)В Полн.Собр.Русск.Лет., т. III, стр.110, избрние Емилиана в архиепископы помещено под 6932 годом.
В лето 6932 (1424). И бысть мор в Литве и в Новегороде железою. И того лета преставися князь великий Василей Дмитреевич, бысть на княжение 36 лет; и сел сын его князь велики Василей Васильевич. Того лета поставиша владыкою Еуфимия (л.63 – об.л.63).
ИНОЙ СПИСОК: В лето 6932 (1424). Мор бысть в Корелской земли, и за Волоком, и по всей Руси, и в Литве и в Немцех; нача мор быти в людех железою, и отхрак кровию. Поставлен бысть, на Москве, от митрополита Фотеа, владыко Еуфимей Ноугородцкий. Свершиша 2 церкви: святый Лука на Лубеници и святый Борис на Гзени. [Владыка Еуфимий] постави церкву в Новегороди, на един день, за олтарем святый Софиа, святый Спас Милостивый. Успе великий князь Василей Дмитреевич Московскии, и положиша, его в церкви святаго архаггила, Михаила, идеже гроб отца, его, и деда, и прадеда, и иних мнозих князей и[х] роду (л. 57 — об. л. 57).
ДРУГОЙ СПИСОК: В лета 6932(1424). Бысть [пригон христианом ставити] в Новегороди город. Послаша Новгородци Феодосиа, в монастырь, и бысть два лета на сенех, и поставиша, владычня духовника Омельяна владыкою (л. 63).
ИЗ ИНОГО СПИСКА: В лета 6932 (1424), месяца сентября в 29 день, преставися игумен Феодосей живоначалные Троици Клобского монастыря, и погребен бысть туто же в манастыре. Клобук белой дал патриарх Иерусалимъский владыки Василию, а патриарху дал папа Римский; и с тех мест клабук белой в Новегороде (*Известие о белом клобуке поставлено не на своем месте; Василий был на владычестве с 1331-го по 1352 годы.) (об.л.24)
В лето 6934 (1426). Стоял Витовт подо Псковом, ратю, 3 недели, и взял 1000 рублев. Того лета сверши[ша] святаго Спаса, на воротех (об. л. 63).
В лёто 6936 (1428). Прииде Витовт к Новугороду ратию, и стоял у Порхова, и взялъ 11 тысяч рублев (об. л. 63).
В лето 6937 (1429). Преставися владыко Еуфимей, и бысть [владыкою] 5 лет, месяца ноября 1 дня. Поставиша на владычство Еуфи[ми]я. И того лета преставися Витовт, и бысть на княжение лет 38, и сел на княжение сын Светригайло (об. л. 63).
В лето 6939 (1431). Приидоша князи Русстии, князь великий Василей Васильевич, князь Юрьи Дмитреевич, в Орду, и даст царь Махмет княжь[ство] великому [князю] Василью Васильевичю (об. л. 63 и л. 73).
В лето 6942(1434). И иде князь Юрьи Дмитреевич на, великое княжение; а князь велики Василей Васильевич приехал в Новгород, на святой недели (л. 73).