Кликни на квадрат справа, чтобы открыть вкладки сайта
Перепечатка в интернете разрешена при условии наличия активной ссылки на сайт " Святая София и Великий Новгород: История и современность".
НОВГОРОДСКАЯ ВТОРАЯ ЛЕТОПИСЬ
(по сборнику Архивского)
1230 Содержание 1300
В лето 6740 (1232). В то же лето преставися архиепископ Новгородцкой Антоней, месяца октября 8, на паметъ святыа Пелагии. Сий блаженый архиепископ Антоней преже изгнания седе в епископии [лет] 8 по Митрофане, а во из[г]нании 6 лет (*); и разболися вельми, онеме, на память святаго Алексеа, месяца марта в 17 день; быв же в болезни сей онеменеи, не глаголя, лет 6 и 7 месяц и дней 9, и тако преставися в небесное царство, душа убо его взыде на небеса, мощи же его положени быша честно у святыа Софии в притворе, [п|ри благоверном князи Ярослави, сыне Всеволожи, при архиепископи Спиридоне (л. 119 —об. л. 119).
(*)Новгородская летопись по синодальному списку, стр.241 продолжает: посем приде ис Перемышая в Новгород, и седе лета 2.
В лето 6741 (1233). В то же лета преставися князь Федор, сын Ярославли болшей, месяца июня в 10 день, на память святаго Тимофея, в пяток, в 1 час дни, и положен бысть в монастыри святаго Егорьгия, еще млад. Кто сего не пожалуетъ? понеже бе свадба пристроена, мед сычен, и н[ев]ста приведена, а князи призвани; и бысть в весеми место плачь и сетование за грехи наша. Но, Господи! слава тебе, Царю небесный, изволшу ти тако! покой его со всеми праведными! В то же лето преставися блаженный митрополит всея Русии Киевский именем Кирил, родом Греченин, возведен бысть изъ Некия (об. л. 119— л. 120).
В лета 6745 (1237). Прииде царь Батый на Рускую землю, и много зла бесчислено сотвори, городов взял 17, а во[ло]стей безчислено, и во[ло]сти биюче [до Игнача](*)креста; и оттоле начаша дани [да]яти князи Руссти (об.л.59).
(*)Слова: до Игнача взяты из Летописи по Лаврентьевскому списку, стр. 494.
[В лето 6745 (1237). Того же лета придоша в силе велице Немци из замория в Ригу, и ту совокупившеся вси, и Рижане и вся Чюдьская земля и Пльсковичи от себе послаша помощь муж 200, идоша на безбожную Литву; и тако, грех ради наших, погаными] (*)злыми побежени быша наши и приидоша кождо 10-й в домы своа. Того же лета прииде митрополит Греченин из Некия в Киев, именем Иосиф (л.111).
(*) Место от слов: В лето 6745 до слов: грех ради наших, погаными взято из Новгородской летописи по синодальн. списку, стр. 246.
(+)Бятыев приход(++). Той(++)же зимы приидоша с восточный страны безбожныа Таторове с царем Батыем на землю Резанскую, лесом, и пришедше сташа станом ту Оноузе, взяша ю; и оттоле послаша послы свои злые, жену чародейцу и мужа с нею, ко князем Резаньским, просяще у них десятины во всем: в князех и в людех, 10-е в конеих: 10-[е] в белых, и 10-[е] во вороных, 10-[е] в рыжих, и 10-[е] в бурых, и 10-[е] в пегих и 10-[е] во всех. Княз[и| же Резанъскии Юрьи Ингворович и его роду, 15 и выехоша против им [на] Воронаж, и ркоша: «коли нас не будет всех, то все ваше будет». И о[т]толе пустиша их в Володимер к великому князю Юрью, и почаша воевати землю Рускую, и поплениша, ю до Пронска. И о[т]толе пустиша одну триста Тотарины в Воронож. И послаша Резаньстии [князи] к великому князю Юрью Владимеръскому, прося помощи, или самому поити; князь же великй Юрьи сам не иде и не послуша князей Резанъскии[х] молбы, но хоти сам о собе брань творити; а иноплеменици оступиша град Резань декабря 16, в 21 взяша и пожгоша, а князя их Юрья убиша и гражань всех. И поидоша на Коломну, а Всеволод Юрьевичь и Роман Ингворовичь идоша противу их, а из Володимера Юрьи князь великий посла сторожих Еремея Глебовича воеводою, [и сняся с] князь Всеволодом и с Романом; оступиша их Тотарове у Коломны, и бишася крепко, и прогониша их к [на]долобам; и ту убиша князя Рома[на] и Еремеа, и много ту паде с князем и Еремеом. Всеволод прибежи в Володимер, Москвичи же побегоша, ничтоже ни видевше. И Тотарове взяша [Мо]скву и вое[во]ду убиша Филипа, а князя Володимера Юрьевича изымаша, и людей убиша (л.111 – л.112).
(+)Это повествование в Новгород. летописи по синод. списку отнесено к 6746 году. (++) В рукописи: приидох. (+++) Там же: вой.
Побоище иже на Неве реци с Немци. В лето 6748(1240) и о житии великого князя Александра Ярославича(*)…. (л.112).
(*)Там же от Повести о в. кн. Александре Ярославиче находятся только заголовки.
В лета 6751 (1243). В то же лета, месяца августа 16 день, преставися раб божий Степан Твердиславлич, внук Михаилов, в неделю, [в] 1 часу нощи, посадник Новгородцкой; а погребен бысть в понеделиик, в 17, на паметь святыа мученици Улианеи, в притворе святыя Софии, идеже положена быста архиепископ Аркадей и Мартирий. Сий Степан посаднича 13 лет без трех месяц (л. 112 — об. л. 112).
В лето 6751(1243). Преставися игумен Варлам Хутынскй (об. л. 59).
В лето 6757 (1249). [П]реставися архиепископ Новгородцкой Спиридоней (об.л.137).
В лета 6758 (1250). Приидоста в Новгород митрополит Кирил, и поставиша архиепископа Новугороду именем Долмата. Того же лета наидоша дождеви велици, и поняша вси рли, и обилия и сена, и мост великий на Волхове снесе; и на осен поби мраз обилие, но останок избысть. Господу: Богу попущающу за грехи наша; овогда глад, овогда рать и иные казни; но, милосердие велико претит, от нас терпить ожидая покаяниа, якоже сам рекл есть: не хощу смерти грешнику, но обращение живота его; и [о]ставляет нам останки на оживление наше (л.125 – об.л.125).
В лето 6769 (1261). Архиепископ Новгородцкий владыка Долмат поби святую Софию всю свиньцом, и устрои себе память в веки (л. 77).
В лето 6775 (1267). По грехом нашим, загореся на Кузмедемиянской улици, месяца маиа 23, перед вечернею, и погоре весь конец Неревский; о горе, братии, толь лют пожар [бяше], яко и по води огнъ хожаша! и на много товара погоре на Волхове в лодиях и николико голов згори. И единым часом мнози от того разбогатеша, а иные мнози обнищаша; при архиепископи Далмате (об. л. 94 —л. 95).
В лето 6782 (1274). Преставися владыко Далмат; поставиша владыкою Климента (об.л.59).
ИНОЙ СПИСОК: В лето 6782 (1274). Преставися архиепископ Долъмат, месяца октября в 21 день (об.л.137)
В лето 6784 (1276). И паде стена у святеи Софии до основы, от Неревского конца, [ме]сяца маиа в 9, в полдни. Того же. Лета поставлен бысть Новугороду архиепископ Климент (об. л.124).
В лето 6795 (1287). Бысть мятеж в Новигороди на Семена Миха[й]ловича: воста на него весь [го]род, без изсправы, поидоша на него изо всех концов, яко силная рать, всякий во оружии, силою великою; жалостно видение! и тако поидоша на двор его и взяша весь дом его, [с] шумом, а Семен прибежа ко владыце, и владыко провади во святую Софию, и тако ублюде Бог, а заутра снидошася в любовь. Семен, по мале дни, разболися болезню и, лежав николико дней, преставися месяца июнь в 16, в понеделник (л.134 — об. л. 134).
В лето 6798 (1290). Бысть знамение в луне, яки кроваво и потом преложися во тму. Тогда заратишася Татарове Тохта с Телепугою и с Абуем, поможе Бог Тохте. В то же лето даша посадничество Ладоское Матьфию Семеновичю. А в великое го[ве]йно, на Похвалной недили вторник, убиша Самойлу Ратшинича на владычне двори, у восхода до Рожества Христова, по заутрени. Новгородци же съзвониша вече у святей Софии и [у] святаго Николы, и снидошася в доспесех, и взяша улицу Пруекюю, и [пожгоша улицу всю](*), и церкви святыа Богородица згоре (об. л. 134 —л. 135).
(*)Слова: пожгоша улицу всю дополнены из Полн. Собр. Русск. Лет., т. III, стр 65
В лето 6799 (1291). Вода бысть в Волхове велика, весне. Того же лета посла Бог казнь свою, за грехи наша, помроша кони в Новего[ро]ди, мало остася (об. л. 67).
В лета 6804 (1296). Постави владыко Кли[мент] святое Воскресение, на воротех (об. л. 59— л. 60).
В лето 6807 (1299), месяца апрель в 18, в суботу в великою, в 1 час нощи, загорелося на Великой улици(*), по грехом нашим, сотворися горе великое: воздвижеся буря великая с вихром, и тако бысть силен огнь вборзе, кто же мало что похватит выбежа из двора своего, [а] иное все огнь взя, и верзеся огнь из Немецкого двора в Нере[в]ский конец, и загорися на Холлопьи улици, и тамо силне того огнь, а Неревляне на, оной стране, а мость великий огнь занел; и тако сътворися пагуба, велика, но сице бо на свети Бог и добрый люди уаша, а злии человецы падоша на грабежи, а что в церквах, а то все разграбиша, Бога не боящеся, видя казнь Божию, в покаание место горшее зло сотвориша, во святем Ио[а]не над товаром сторожа убиша, во святем Яков сторож згори; на торговом полу церкви[й] згори 12, а икон множество, в сих не успеша, выносити, ни книг, а во Христове церкви николико головь погорело, и два попа згориста; а в Нере[в]ской улици згоре церкви[й] 10, и много узорочья в церквах, и муж добр згоре Олферей Лазоревич, и бысть заутро, в радости место, печаль и сетование, за грехи наша; збысться пророчество Исаиа пророка, еже рече: преложю празники ваша, во плачь, игреща, ваша в сетование; тои же, братие, казнить Бог за грехи наша, кажа нас на покаание, да быхом осталися злоб своих; аще согрешихом, но не отчаемся милости, твоя бо власть есть казнити, паки и миловати; казнив, Господи помилуй [ны]. Того же лета, месяца маия в 22, преставися архиепископ Климент Новгородц[к]ий (л.135 – л.136).
(*)В Полн. Собр, Русск. Лет., т. lll, стр. 66: на Варяжьской.
ИНОЙ СПИСОК: В лето 6807 (1299). Того же е лета, месяца маиа в 22, на память святаго мученика Василиска, в пяток 4 недели по пасце, в 7 час нощи, преставися архиепископ Новгородцкий Климент, бысть в епископии 23 лета, добри прави церковь Христову, душа его взыде на небеса, а тело его честно положено бысть в притвори святыа Софии от владычня двора, архимандритом Кирилом, и всеми игумены, и всем иерейскым чином, и посадником Андреем и всеми Новгородци (об. л. 124 —л. 125).
ДРУГОЙ СПИСОК: В лета 6807 (1299). Преставися князь Домант во Пскове (л.60).
ИЗ ИНОГО СПИСКА: В лето 6807 (1299). Приеха Максим митрополит и седе в Володимери. В то же лето преставися Домонт во Пскове, месяца маиа в 20 день, и положи[ша] его во святей Троици. Того же лета бысть буря силна в Ростове: 4 церкви из основания изверже, а иных церквей верхи сорволо, месяца иоля в 7 день(*) (л. 120).
(*)В Полн. Собр. Русск. Лет., т. V, стр. 208, буря в Ростове занесена под 6809 годом и сказано, что она была 6-го июля.
1230 Содержание 1300