Кликни на квадрат справа, чтобы открыть вкладки сайта
Перепечатка в интернете разрешена при условии наличия активной ссылки на сайт " Святая София и Великий Новгород: История и современность".
НОВГОРОДСКАЯ ВТОРАЯ ЛЕТОПИСЬ
(по сборнику Архивского)
6709(1201). Новгородци же Богом избраннаго Митрофана возведоша на сени по Мантурии; иде в Русь ставится к митрополиту, с Ноугородцкими мужми и со Всеволожи, и поставлен бысть месяца июля(*) в 3 день, на паметь святаго Акинфа, и прииде в Новгород месяца сентября 14, на Воздвижение честнаго и животворящаго креста, и ради бывше Новгородци своему владыце (об. л. 118).
(*) В Новг.Летописи: июнь.
В лето 6710 (1202). Свершиша церковь камену святаго Ильи, на Холме, конец Славна, и освяти ю на праз[ни]к владыко Митрофан. З[н]амение велие явися на небеси: небо учинися аки кроваво, и бысть в одину ночь, 5 час нощи, потече небо все и бысть черно, по земли же снег и по хоромом; мнети же всем человеком зрящи[м] яко кончину и ако кровь пролияну по снегу (об. л.69— л. 70).
В лето 6712 (1204). Победиша Олговичи Ли[т]ву, избиша их 700 и(*) 1000. Се паки иное знамение велие: явися на небеси 3 солнца на востоце, а четвертое на небеси на западе, а посреди неба аки месяц велик, подобен дузи; и стояху знамение от утра до полудни (л. 71 — об. л. 71).
(*) В рукописи, вместо и, стоит цифра 4.
В лето 6714 (1206). Месяц освети все 8 нощей (об. л. 69).
В лето 6715 (1207). В то же лето свершена, церковь святая Пятница, купци заморьсти, месяца августа 30 дня (л. 123).
ИНОЙ СПИСОК: В лето 6715(1207). Поставиша церковь святаго Луки на Лубеници улици, перенесше [с] Колена, Володаревичи. В то же лета свершиша церковь святаго Пантелимона Феодор Пинещенич в монастыри (л. 70—об. л. 70).
В лето 6716(1208). Приде Лазарь, Всеволож муж, из Володимеря, повеле убити Олексу Збыславича, на Ярославле дворе; убиша без вины, в суботу, марта 17, на паметь святаго Алексеа. Заутра плака святаа Богородица у святаго Якова, в [Н]еревском коньце (об. л. 77).
В лето 6719 (1211). Приде Дмитрь Якунич из Руси, и ступися Твердислав с посадничества, по своей воли старейшею собе. Тогда же даша посадничество Дмитру [Я]куничю. И посла Мстислав Дмитра посадника на Луки с Ноугородцы город ставити; а сам идеть на Торжок, ис Торожку идеть в Торопец, ис Тор[о]пца иде на Луки, и снятся с Новгородцы, а Лучаном даст князя Володимера Пльсковскаго. В то же лето, волею Божею, сверши церковь камену Вячеслав Прокшинич, внукъ Малышев, Святых 40 Мученик; а дай Бог ему здравие и спасение во отпущение грехов и молитвами святых 40 мученик. Того же лета, без князя [и| без Новгородцев, в Новегороди бысть пожар велик: загорелося на Рядитине улице, и погорело дворов 1000 и 300, церквей 5.
В тоже лето, на зиму, месяца генваря 22, на святаго Климента, злодей [и] сперва не хотя добра роду человеческому, зависть вложи людем на архиепископа Митрофана со князем Мьстиславом, не даша ему правитися, и ведоша и в Торопец; он же приа с радостию, яко Иван Златоуст и Григорей Акраганский тую же восприя печаль, славя Бога. Тогда же бяше пришел преже из[г|наниа Митрофана архепископа Добрыня [Я]дрейкович, и привезе [с] собою гроб Господень, а сам пострижеся на Хутыне у святаго Спаса, волею Божиею възлюби его князь Мьстислав и вси Новгородци, и послаша и в Русь ставится, и приде поставлен архиепископ Антоней, и сотвори полату Митрофану и церковь во имя святаго Антониа (л. 133 —л. 134).
В лето 6722 (1214).Голод бысть велик, кадь ржи по 30 гривен; тогда мерли мнозии человеци, пси ядяху по улицам телеса их, и бысть зло, и скуделницу наметаша. Ярослав засяде Торжек, а гостей боле дву тысячь изъима(*) (об. л. 59).
(*)В Новгородской летописи по синодальному списку, стр. 198: по 10. В рукописи место: и бысть зло...дву тысячь иззима читается следующим образом: Ярославль засяде Торжек, а гостей боль дву тысячь замерли, и бысть зло и скуделница наметаша; оно исправлено по синодал. списку Новгород. летописи, стр. 198.
Лета 6726(1218). Того же лета заложи архиепископ Антоней церковь камену святыа Варвары в монастыре (л. 127).
В лето 6727 (1219). Тогда же скончаша церьковь камену святыа Варвары (л. 127).
В лето 6731 (1223). В то же лето. преставися архиепископ Новгородцкой Митрофан, месяца, июля в 3 день, на паметь святаго Ауакинфа, в понеделник светающе, и положен бысть во притвори святыа Софии; вечная ему память, а святою его молитвою князю и Новгородцем много лета. В то же`лето приведоша Новгородци Арсениа че[р]нца с Хутыни, мужа добра, зело боящеся Бога (об. л. 118 —л. 119).
В лета 6733 (1225). Прииде архиепископ Антоней из Перемышля в Новгород и се[де] на своем стуле; и ради быша Новгородци своему владыце (л. 119).
В лето 6734 (1226). Тогда же поставиша церковь святаго Рожества Христова. В то же лето преставися игумен святаго Бориса(*) Саватий, архимандрит Новгородцкой, априля в 16, в великий четверток. Преже своего преставления, Саватий призва владыку А[н]тониа, и посадника Ивана и вси Новгородци: «изберите, рече, себе игумена». Они же рекоша: «кого ты благословишь». Он же рече: «введите Гречена попа святую царя Костянтина и Елены». И введоша мужа добра, зело боящася Бога, Гречена, того дни постригли его марта 2, на память святаго Феодота, и поставиша его игуменом марта 8, на паметь святаго Феофилакта, на собор. В [то] же лето заложиша церьковь камену святаго Якова, в Неревском конци (л. 122 — об. л. 122).
(*)В Новгородской лет. по синод. списку, стр. 223: игумен святаго Георгия.
В лета 6738 (1230). Тресеся земля, по Велице дни в пяток на недели, в обед, а иныи отобедали; то же, братие, есть не на добро, но [на] зло, грех ради наших Бог нам знамение дает, да быхом ся покаяли о гресех своих. Колико наведе Бог смерть на ны тои весне! да то мы видехом, не разумехом сво[е]а погибели, но скориишии быхом на зло. В то же лето солнце померкло, маиа месяца [в] 14 день, на паметь святаго Сидора, [в] вторник, в полутра, и бысть аки месяць в пятой нощи, и опять наполнися помалу; и ради быхом убози. Того же месяца в 19, на Собор святых отец 300 и 18, приде архиепискуп Спиридон в Новгород, поставився от митрополита Кирила; поставлен бысть попом в сыропусную неделю, архиепископом н честной на збор. В то же лето князь Михайло сотвори постриги сынови своему Ростиславу, в Новигороди, у святей Софи и у[я влас](*) Спиридон владыко, и посадиша его на стуле, и сам поиде в Чернигов. Того же лета роспреся Степан Твердиславъвлич Водовиком, Иванка Тимошкинич по Степане, и биша Иванка паропци посадници; тои же бысть в Городищи(**); а заутра [створи] вечи на Степанка на Ерославли двори, и поидоша на двор его и разграбиша и; посадни[к] же посвади град весь, и Семен Борисович, на Иванька и на Якима(***) Влункович и на Прокшу Дашиева; и поидоша с веча и много дворов разграбиша, а Волоса Блюд[ки]нича на вечи убиша; рече посадник: «ты еси мой двор хотел зажещи»; а Прокшин двор зажзгоша, и Яким бежа к Ераславлю, а ини схоронишася, но и тех уротивше пустиша; а Иванка после поимше и уби Водовик посадник, вверже в Волхов, на, святаго Павла исповедника. Тоиж[д]е Бог видя наша безза[ко]ние, и братоненавидение, и непокорение друг [к] другу, зависть, крестом верящеся в лжю(+), егоже ангели не могу[т] зрети и многоочити крили закрываются, того же мы в руках держа[ще]..... (об. л. 109— об. л. 110).
(*)Слова: уя влас взяты из Новгород. летописи по синод, списку, стр. 233.(**) Там же: тои же бысть Новородищи.(***) Там же: Моксима. (+)Там же: крестом вешеся в ложи.
ИНОЙ СПИСОК: В лето 6738 (1230), маиа 3 день, в пяток, потресеся земля. И на той осени глад бысть велик: кадь ржи по 40 гривен, бысть зло, по улицам, по торгу трупия ядяху пси, влачаху главы и руки и ноги, и наполниша полну скуделницу 3030, а конец Легощи улици, а в ней полчетверты тысячи; а в Смоленъски [створиша] 4 скуделници, во дву [положиша] 16 тысящь, а в третней 7 тысящь, а в четвертой 9 тысячь. Се же бысть по четыре лета; и приидоша Немцы к Новугороду з житом и с мукою (об.л.60 – л.61).