Кликни на квадрат справа, чтобы открыть вкладки сайта
Перепечатка в интернете разрешена при условии наличия активной ссылки на сайт " Святая София и Великий Новгород: История и современность".
НОВГОРОДСКАЯ ВТОРАЯ ЛЕТОПИСЬ
(по сборнику Архивского)
В лето 6677 (1169).Придоша [с]уздалци к Новугороду Мстислав Андреевич, а с ним 70 князей и два уделных, и вся Руская земля; при архиепископи Илии (об. л. 58).
В лето 6678 (1170). В то же лето боголюбивый архиепископ Новгородцкой Илья, з братом Гаврилом, созда монастырь, церковь святыя Богородица Благовещение
(об. л. 132).
В лето 6680(1172). [В] то же лето заложиша церковь святаго Иякова в Неревском конци (об. л. 126).
В [л]ето 6684(1176). Иде Волхов на возвод по пяти дней. Той же весны оженися князь Мстислав [В] Новегороде, поя у Якуна у Мирославича дщерь; и потом зазваша и Ростовци к себе, иде к Ростову со дружиною своею, а сына, остави в Новегороде, и прииде к Ростову. И в то время умерл бяше Михайло Юрьевич, июня 20, на память святаго отца Мефодия, и положиша его во граде Володимере, в церкви святей Богородици златоверсе, княжив едино лето (л.132—об. л. 132).
ИНОЙ СПИСОК: В лето 6684 (1176). Постави Моисей Доможирович святаго Иоанна Усекновение, на Чюдинъцовой улици (об. л. 58).
В лето 6687 (1179). Архиепископ Новгородций Илия заложи церковь камену Благовещение святей Богородици, и почаша, делати маия 21, а сконча[ша] августа 25, а всего дела церковного дней 70; и бысть християном прибежище (об. л. 132).
В лето 6688 (1180). В тоже лето боголюбивый архиепископ Новгородций Илия, з братом Гаврилом, заложиша, церковь камену Богоявление, [у] святаго Благовещение в монастыре на воротех (об. л. 132).
В лето 6691 (1183). Постави Родка святаго Ипатиа, на Рогатици (л.59)
ИНОЙ СПИСОК: В лето 6691 (1183). Поставиша церковь святаго Инатия Рядко з братом, на Рагатици (л.127)
Лето 6693(1185). Поставяша Лукинци святаго Петра на Сенище, а Мироней святое Вознесение на, Пруской улици (об. л. 58).
ИНОЙ СПИСОК: В лето 6693 (1185). месяца маия в 1,(*) в звонение вечернее, бысть знамение в солнце: морочно бысть велми, яко на час и боле, и звезды видети, и человеком во очию яко зелено бяше, и в солнци учинися аки месяць, из рог его аки огнь жарящей исхожаше, и страшно бе человеком видети знамение Божие, и просветися, и паки ради быхом (об. л, 71 —л. 72).
(*) солнечное затмение в 1185 году было 1-го мая.
В лето 6694 (1186) Преставися Новгородъций архиепископ Иван, месяца сентебря в 7, и положен бысть в притвори святыя Софиии (об. л. 126).
ИНОЙ СПИСОК: В лето 6694 (1186) Поставлен бысть владыкою Григорей. И того лета поставиша церковь святую Богородицу, в Аркажи монастыри(*) (об. л. 58 — л. 59).
(*)Церковь во имя Успения Божией Матери построена в Аркажском монастыре в 6696 году; см. Новгородскую летопись по синодальному списку, стр. 162.
В лето 6695(1187). В тоже лето гром бысть страшен зело и молния: пришедшим со кресты от святыя Софии ко святому Михаилу, поющим 9 песнь, и шибе гром и подоша, ниц вси людие, и загореся церковь; но, своею милостию соблюде Бог и молитвами святаго Михаила, не бысть беды никое[я]же церкви, а два человека до конца мертва быста. Бысть знамение во солнци: в полдни яко месяц смерчеся, и по мале времени наполнися и паки просветися, сентября 9. В то же лето выгнаша Новгородци князя Мстислава Давыдовича, и послаша ко Всеволоду в Володимер по Ерослава Володимеровича; вниде во град и се[де] на стол ноября в 20 (л. 72 — об. л. 72).
В лето 6696 (1188) Заложи Семион Дубычевич церковь камену святаа Богородица Успение, в Оркажи монастыри. В то же лето зиму бысть дорогов, купляху хлеб по 2 ногаты, а кадь [ржи] по 6 гривен; . Божиею милостию не бысть пакости в людех (об. л. 72).
В лето 6698 (1190) Того же лета скончаша церковь святаго Богоявленя на воротех; тогда же и Святых Отец церковь поставиша (об. л. 132 — л. 133).
В лето 6700 (1192). Постави игумен Варлам святаго Спаса на Хутыне (л.59).
ИНОЙ СПИСОК: В лето 6700 (1192). Постави церковь на Хутыне камену Варлам чернец, а мирское ему имя бысть Алексей Михайлович, во имя святаго Спаса Преображения; освяти храм той архиепископ Гаврило на праздник, и нарече манастырь (об.л.71).
В лето 6701 (1193).Преставися владыка Григорей, и того лета поставиша владыкою Мантириа (л. 59).
В лето 6702(1194). Бысть пожар в Новегороде [в] неделю на Всех Святых, в заутренее время: зогореся Савкин двор на Ярошеве улици; и быша пожар зол, згоре 3 церкви: святаго Василия, и святаа Троица, святое Воздвижение, и много дворов добрых, рекше домов; и уаша (об.л.72)
у [Лукини улици](*). Не то ся зло устави за гре[хи] наша, да на другой день загореся в Чиххове улици, погоре дворов 10. И потом болши зла воздвижеся той же недели в [пя]ток, в торговое время, загореся на Хревкове улици да и до ручья в Неревъском конци, и згорело 5 церквей 7 и домове велици. И отто[ле] воста зло: и повся дни от Всех Святых и до Госпожина дни загорашеся невидимо на день в шести местех и, боле; и не смеяху людие жити в домех, и по полю живяху людие. И Го[ро]дище погоре. В то же лето Лад[о]га погоре преже Новагорода, а потом Руса погоре. В то же лето поставиша церкви, святаго Филипа на Нутной улици Родслав Данилович, и свяща владыко Мантирей, ге[н]варя 29
(л. 113 — об. л. 113).
(*)Слова: Лукини улици взяты из Новгород. летописи по синодальн. списку, стр. 168; в рукописи, вместо этих слов, стоит: лича.
В лета 6703 (1195). Постави владыко Мантирей святую Богородицу на воротех, и заложи святое Въскресение на поле, монастырь (л. 59).
В лето 6704 (1196). Заложиста церковь камену святаго Кирилу в монастыри во Ленезене(*) Костянтин и Дмитрей братеники, а мастер бяше с Лубяней улици Коров Яковлевич, и начаша, делати априля, а кончаша июля на святаго Прокофиа; и святи ю владыко Мантирей, [г]енваря 12, и бысть христианом прибежище, а Костянтину и Дмитрею вечная память (об. л. 125).
(*) В Новгородской летописи по синодальному списку, стр. 171: в Нелезнье.
В лето 6705 (1197). В то же лето постави владыка Мантирей монастырь святая Евфимиа в Плотникех Положаа Городшинича Жирошкина(*) дщи (л. 92).
(*) Там же: Широшника; исправлено по синодальному списку Новгород. летописи, стр. 174
ИНОЙ СПИСОК:В лето 6705 (1197). Того же лета владыка Мантирей постави церковь на Острови святаго Николу (л. 69).
В лето 6706 (1198) Боголюбивый архиепископ Мантирей Новгородцкий заложи церковь камену святаго Преображениа, в Русе; и абие начаша длати месяца маиа 21 день, а скончаша, месяца июля 31, и сам свяща церковь на Успение святей Богородици; и веселяшеся блаженый сердцем и душею, устроив себе память вечную и всем християном честный монастырь.
В то же лето князь велики Ярослав, сын Володимерь, внук Мстислав[л]ь, заложи церковь камену во имя святаго Спаса Преображениа, в Новегороде, в Нередицах; и начаша мастеры делати июня в 8 день, на память святаго Феодора, а скончаша месяца сентября. Да то[го] же лета Еревъша заложи церковь камену святаго про[ро]ка Илью, на Холме, во Славни (л.92 – об.л.92)
ИНОЙ СПИСОК:В лето 6706 (1198). Того же лета Еревша заложи церковь камену святаго пророка Ильи, на Холме. А Положиа постави церковь Еуф[им]иа святаго в монастыри(*) (л.70).
(*) О совершении церкви св. Евфимии см. выше, под 6705 годом.
В лето 6707 (1199). Присла Всеволод, выведе Яросла[ва] к себе; [а] из Новагорода позва владыку, и посадника Митрошку и вятшии мужи по сыне. [И] яко быша на озери [Сере]гире, преставися раб Божий архиепископ Наугородцкий Мантирей, августа в 24; и привезоша, и положиша в притвори святыя Софиа. Идоша мужи с посадником ко Всеволоду; и приа с великою честию, и вда им сын свой Святослав, а присла в Новгород, здумавши с посадником и с Новгородци; вве[до]ша во епископи[ю] Митрофана, Богом избранна; и весь Новгород шедше, с честию и посадиша и, дондеже будет от митрополита послание. В то же лето заложи церковь камену Святых Мученик 40 со Прокшею Малышевич[ем] (об.л.92 – л.93)
ИНОЙ СПИСОК: В лето 6707(1199). Преставися владыко Мартирей; тогда поставиша владыкою Митрофана. Того лета поставиша церковь Прошка 40 мученик, и княгиня Ярославля святую Богородицу на Михай[ло]ви улици (л.59 – об.л.59).
ИЗ ИНОГО СПИСКА: В лето 6707 (1199). В то же лето испи[са]ша церковь святаго Спаса, в Не[ре]дицах, и в Русе святаго Спаса в манастыри владычне (л. 118 — об. л. 118).