Кликни на квадрат справа, чтобы открыть вкладки сайта
Перепечатка в интернете разрешена при условии наличия активной ссылки на сайт " Святая София и Великий Новгород: История и современность".
НОВГОРОДСКАЯ ВТОРАЯ ЛЕТОПИСЬ
(по сборнику Архивского)
В [л]ета 7017 (1509). Свел князь велики Василей Иванович архи[е]пископа Серапиона с Великого Новагорода, после Велица, дни 3 недели спустя, за то, что не благословил старца, Иосифа на Ламском Волоце, что он из архепископии из Новогородцкой прешел, с монастырем отказался в митрополию (об. л. 86).
В лето 7019 (1511). Постави поп Иван святую Богородицу, на Воцкой дороги (л. 77).
Лета 7024 (1516), в седмом лете после [с]ведениа из Новагор[о]да архиепископа Серапиона, смирился князь велики со архиепископом Серапионом; а кто на него ни постоял, Василе[й] Андреевич Чаляднин, и владыко Ростовской Васиян, и брать его Иосиф, и владыко Суздалский, и того лета вси умерли, а Иван Ондреевич Челяднин в Литве главу свою положил, а Резанъско[й] Торасей владычество оставилъ егоже ради, да того же лета и Перемской умер владыко Протасей. Того же лета преставися преподобный архепископ Серапионъ Великого Новагорода и Пскова, у Троици в Сергиеве монастыри, туто ж положен бысть в скиме, а преставися в Лазореву суботу, в 7 часу дни; а бысть на владычестве 3 лета, и бысть после Серапиона архиепископа, до Мокариа 17 лет без 7 недель промешка (об. л. 86 —л. 87).
В лето 7029 (1521). Постави игумен Илья Цветной, во сво[е] имя, святаго Илью, на сенех, в Николине манастыри (л. 77).
Лета 7034 (1526). Поставлен бысть архиепископ Великому Новугороду и Пскову владыка Мокарей, архимандрит изъ Лушьков, при благоверном великом князи Васильи Ивановичи, всея Руси самодержци, в церкви Пречистыи соборней на Москве, митрополитом Данилом, в неделю 4 поста, на паметь преподобного отца нашего Ерасима иже на Иердани. При сем архиепископе Мокарии, лета 7035 (1527), месяца декобрь 24, в навечерие Рожества Христова, приехал князь велики Василей Иванович всея Руси к пречистой Богородици на Тихивину помолитися, и бысть князь велики на Тихвине 3 дни и 3 нощи, и поехал к Москве, и стал на Москве на Крещение Господне. И бысть при семь архиепископе владыце Мокарии, во всей архиепископи его, послал Господь Бог милость свою на люди своя, молитвами его, времена тиха и прохладна, и обилие велие изообилованна бысть: коробью, убо, жита купили по семи ноугородок. При том же архиеписку[пе] Мокарии, в лето 7038 (1530), месяца авгоста 25 день, [с] середы на четверг, нощи часу на 6, на паметь Возвращене мощем святаго апостола Варфоломеа и святаго Тита, родися у государя у великого князя Васнлиа Ивановича, на Москве, сын, Богом дарованный и нареченный во святом крещении князь Иван, еже есть Усекновение честныя главы, от другые жены благоверные великии княгини Елены; и в ностоящей час рожения его бысть внезапу гром страшен, зело и блистаниа молнийныи бывшу по всей области державы их, яко от основанию земли поколебатися; [и мнозн по окрестным градом начаша дивитися] таковому страшному грому, и по времени уведаша великого князя Ивана Васильевича рожение его. Того же лета и тоа нощи, в настояций час, егда бысть рожение государя великого князя Ивана Василъевича, всея Русии, тогда в Великом Новегороде вылили колокол к соборной церкви святей Софии, повелением боголюбиваго архиепископа Великого Новагорода и Пскова владыки Мокариа, велик добри; и токова, величеством нет в Новегороде и во всей Новгородцко[й] области, яко страшной трубе гласящи. И бысть Мокарие архепископом в Новегороде 16 лет, и взяша его к Москве на митрополю лета 7050 (1542), месяца [марта], при державе великого князя Ивана Васильевича, всея Руси самодержца. Того же лета (70)50 поставлен бысть архиепископом Новугороду и Пскову игумен от Спаса с Хутыни именем Феодосий, а поставил его митрополит Мокарей. При сем архиепископе Феодосии был князь велики Иван Васильевич в Великом Новегороде, з братом своим благоверным князем Гегоргием и з другимъ братом своимъ с Володимером Андреевичем, а приехал в Новгород лета 7055 (1547), месяца ноября в 14, в неделю, на память святаго апостола : Филипа, и стоял в Новегороде 10 дней, и в 11 день, в среду, поехал во Псков, обедни слушав на владычне дворе на сенех у Еуфимиа преподобнаго; а брат его благоврный князь Гегорий Васильевич поехал со владычня двора во Псков, после великого князя на третей день, в пяток, обедни слушал на владычне двори на сенех у Рожества Христова. При сем же архиепископе Феодосии, лета 7056 (1548), в церкви во святом Иоанне Предотеча в темници, архиепископ Феодосий подпоры древеныи ис церкви выметал, да своды каменые доспел, да над гробом чюдотворцовым доспел теремци каменые, да и церкву всю выбелил, да и двери пробил на сиверную страну против чюдотворцова гроба, да и окон в церкви в олтари прибавил, да иконами и свещами и книгами церковь украсил, а чюдотворца Иоанна написалъ да, и сребром всю икону обложил да и позолотил, да и гривны золотые и серебрены к образу чюдотворцову приложил. Того же лета 56 архиепископ Феодосей у гроба чюдотворцова свещу негасимую поставил (л. 87 — л. 90).