Кликни на квадрат справа, чтобы открыть вкладки сайта
Перепечатка в интернете разрешена при условии наличия активной ссылки на сайт " Святая София и Великий Новгород: История и современность".
НОВГОРОДСКАЯ ВТОРАЯ ЛЕТОПИСЬ
(по сборнику Архивского)
1440 Содержание 1509
В лето 6949(1441). Прииде князь Василей Васильевич к Новугороду ратью, и добиша челом Новгородци, и взял князь велики 8 тысяч рублев да, воротися от Деменя города (л. 73).
В лета 6952(1444). Ходиша Новгородци к Ругодиву ратию (л. 73 — об. л. 73).
В лето 6954(1446). Поимал царь Махмет великого князя Василиа Васильевича под Суздалем, и держав отпустил его на Рускую землю; и взят царь Махмет окупа на великом князе двесте тысяч рублев. И того лета здумали 3 князи, князь Дмитрей Юрьевич, князь Иван Андреевич Можайской, князь Борис Александрович Тверскй, да два царева посла велели потеряти да и казну взяли. Да того же лета те же три князи поимали великого князя Василья Васильевича у Троици в монастыри, за Сергиевым гробом, и ослепиша, его; и сел на княжение великий князь Дмитрей Юрьевичь и со......... княгинею в Новгород априля 2 (об.л.73 – 74).
В лето 6958 (1450), написа[на] бысть сея книга Летописец во обители Пречистей Рожества на Лисьи гори, повелинием раба Божия дьякна инока Геронтея, в полдесть, держан(*) (об. л. 145).
(*)Эта запись находилась при летописи Лисицкого монастыря, откуда была переписана составителем настоящего сборника, который поместил ее между событиями, занесенными под 6987 и под 7030 годы.
В лето 6961 (1453). Преставися князь Дмитрей Юрьевич, июля в 17 день (л. 74).
ИНОЙ СПИСОК: В лето 6964 (1453). Прииде князь великий Василей Васильевич к Новугороду ратью, и Русу повоева, и воротися о[т] Яжолобиц; и взял полдесяты тысячи сребра (л. 74).
В лето 6966 (1458). Преставися владыко Еуфимей. И того лета поставиша церковь [камену святую Богородици, в Торгу, на старой основе] (л. 74).
В лето 6968 (1460). Приехал князь велики`Василей Васильевичь в Новгород, и [с]тоял на Городищи 5 недель (л. 74).
В лето 6971 (1463). И ездил Иона на Москву. И того лета постави владыко Иона святаго Сергия (*)(л. 74). .
(*)То есть церковь во имя св. Сергия. В Полн. Собр. Русск. Лет., т. IV, стр. 127, под 6971 годом занесено сооружение каменной церкви св. Димитрия, на Славкове улице.
`
В лето 6975 (1467). Бысть мор в Новегороди желзою, и поставиша церковь святаго Семиона во Зверинцех (л. 74 — об. л. 74).
В лето 6979 (1471). Преставися владыко Иона. И той осени приехал в Новгород князь Михайла, Александрович из Литвы. И той осени поставиша на владыч[ес]тво Феофила, месяца ноября 15. И того лета приехал князь велики Иван Васильевич к Новугороду ратию, стоял на Шелоне, взял 16.000 рублев откупа (об.л.74).
В лето 6984 (1476) Прииде князь велики Иван Васильевич в Новгород, и стоял на Городищи на миру 9 недель, и взял князь велики шесть бояр великих (об.л.74).
ИНОЙ СПИСОК: В лето 6984-е (1476) Приехал князь велики Иван Васильевич в Великий Новгород с миром. Пир у архиепископа Феофила; даро[в] великому князю от владыки: три постава сукна Ипского, по три[т]цати рублев постав по Нагородцкую, 100 золотых корабленых, зуб рыбей, а проводнаго бочка вина красного, а другаа белого. В среду, на Николин день на осеней, ел князь велики и пил у князя Василья Шуйского, а даров от него великому князю: постава сукна, Ипского, 3 камки, 30 золотых корабленых, 2 кречета да, сокол. Декабря 14 пировал князь велики у архиепископа; даров великому князю: полтораста золотых карабленых, 5 поставов Ипскова сукна, да жеребец, а проводного бочка вина, 2 меду. В 15 пир у Казимера; даров от него: ковш золотой 2 гривенки злата, 100 золотых карабленых, 2 кречета. В 18 день пир у Захарья у Григорьевича; даров от него: 20 золотых корабленых, 5 поставов сукна Ипскова; а от сына его Ивана: 10 золотых корабленых, 5 поставов сукна Ипского да два зуба рыбьих. В 19 день пир у посадника у степенного у Василья у Есиповича; даров от него: 30 золотых корабленых, да кречет, 3 постава Ипского сукна рудожелтых. В 21 у Якова у Коро[бова]; даров от него: 200 золотых корабленых, да кречет, зуб рыбей; а от сына его Ивана: кречет, да [по]ставь Ип[с]кова сукна рудожелтой, зуб рыбей. В 23, в суботу, пир у Луки у Федорова; даров от него: 20 золотых корабленых, да 20 золотых менших, 3 поставы Ип[с]кова сукна, а постав по 30 рублев Новгородцкую, 2 зуба рыбьих. В 28 пир на Городищи у Настасии у Ивановой жены Григ[о]рьевича да у сына ей у Юрьа; даров от него: 30 золотых корабленых, 8 поставов Ипских, 2 сорока соболей, 2 зуба рыбьих. В 30 день пир у посадника у Феофилахта; даров от него: 30 золотых корабленых, 3 постава, Ипских, зуб рыбей; а, от сына его Козмы 10 кораблеников да зуб рыбей. Месяца генваря в 1 день пир у Якова у Коробова; даров от него: 40 кораблеников, 3 постава Ип[с]ких, 3 зуба рыбьих; да от внука его Ивана Дмитревича сына Исакова: 20 корабленков золотых, 2 бочки вина. Генваря 2 день пир у Офонасьа у Груза; даров от него: 30 золотых корабленых, 3 постава Ипских. Генваря в 3 день пир у Луки да у Василья у Исаковы[х] детей Полинарьнна; даров от них: 110 золотых корабленых, 3 постава Ипскых, 4 зубы рыбьих. В 4 день пир у [А]лександра у Самсонава; даров от него: 40 корабленых, 5 поставов Ипскых, лошак сер. В 7 пир у посадника у Фомы; […]доров от него: 3 постава Ипских, лошак пег, 2 бочки вина белого. В 11 ударили челом великому князю Фома степенной посадник да тысяцкой Василей Есипович 1000 рублев Новгородцкую денег. В 14 день пир у Кузмы у Григор[ь]евича; даров от него: 20 золотых корабленых, 3 поставы Ипского сукна, зуб рыбей; от сына его: 10 золотых корабленых, постав Ипского, 2 зуба рыбьих. В 15 пир 3 на великого князя у владыки; даров владычних великому князю: 300 золотых корабленых, да ковш зо[ло]той з жемъчюгом две гривенки золота, 2 роги окованы серебром, да мису серебрену 12 гривенок серебра, 5 сороков соболей, 10 поставов Ипских (об.л.100 – об.л.102).
В лето 6986 (1478) Прииде князь велики Иван Васильевич к Новугороду ртью, и стоял на Па[о]зерьи у Троицы; и владыка Феофил и Ноугородци добиша челом великому князю, и нзвали его госудрем себе (об.л.74 – л.75).
[В лето 6986] (1478) ………………………………………………………………………………………….
В 16 прииде владыка Феофил к великому князю с челобитием половиною волостей владычних да монастырских, 6 монастырей, половина Юрьева манастыря, у [А]рькажскаго, у Благовеще[н]ского, у Вонто[но]ва, у Николъского в Неревском конци, у Миха[ило]вского на Сковородки; а иные государь монастыри пожаловал, земли у них не взял: «они де убоги, земли у них мало». Князь велики пожаловах, у архепископа половины волостей не имал; а взял 10 волостей: Юрьева монастыря 7 соть обеж и 20 обеж, у Воркажского 300 вобеж и 30 и 3 обжи, у Благовещенско[го] по[л]-300-ста вобеж и 3 вобжи, у Николского по[л]-300-ста вобж с обжею, у Онтоновского по[л]-2 ста обеж, у Михайловского 100 обеж без т[р]ех. В 29 был князь великий [в] Великом Новегороди, слушал обедни у святыа Софии; [а обедал] князь велики у собя на Паозерьн, архиепископ у него же ел. А поминьков владыко явил перед столом великому князю: понагию сизову обложена златом з жемъчюги, да кубок яице струфокамилово окована сребром, чарку сердоличну оковану сребром, мису серебрену 12 гривенок, золота 200 золотых корабленых. Февраля в 19 день, в четверток, владыко приде из Новагорада, к великому князю с поминками, пред обеднею; подл владыко: чепь золоту [пять гривенок, да чару золоту десять гривенок], да чару золоту полторы гривенъки и 9 зо[ло]тников, да ковш золот гривенка и десять золотников, да крушку золочену сребрену 13 гривенок, да кубок [с]кладной серебрен золочен [четырнадцать гривенок, мису серебрену одиннадцать гривенок, кубок золочен ]в полсемы гривенки, да поес золочен великии оковы в пол-19 гривенъки, да, сто золотых корабленых (об. л. 102 — л. 104).
В лето 6987 (1479). Заложиша, церковь каменну Рожество Пречистой на Михалицы в манастыри (об. л. 145).
В лето 6988 (1480). Прииде князь велики Иван Васильевич в Новгород и стоял в Славне 9 недель (л. 75).
В лето 6992 (1484). Приехал владыко [Г]енадей с Москвы в Новгород (л.76).
В лето 6993 (1485). Князь велики Иван Васильевичь Тверь взял (л.76).
ИНОЙ СПИСОК: Лета 6993 (1485), месяца декабря в 12, поставлен бысть архиепископ Великому Новугороду и Пскову архимандрит Чюдовской Генадей. При сем архиепископе Генадеии, на второе лето поставлениа его на владычество, взять князь велики Иван Васильевич град Тверь, в лето 6994 (1486), се[н]тяб[ря в] 8 день; а князь велики Тверъский Михайло Борисович поехал из горада, ночи, к Литве, видя свое из[не]можение. Сей убо [Г]енадей архиепископ, [в] лето 6999 (1491), еретиков изыска и обличи в Великом Новегороде; и повелением великого князя Ивана Васильевича всея Руси и по благословению пресвященаго митрополита Зосимы, Генадей владыка, одних велел жечи на Духовском поле, иных торговые казни предали, а иных в заточение посла, а иные в Литву збежали, а иные в Немцы. Той же Генадей архиепископ, лета 7000 (1492), повелением великого князя Ивана Васильевичя всея Руси и по благословению митрополита Зосимы всея Руси, изыска пасхалию на осмую тысящу и написа, на 70 лет осмая тысяща, и состави ключь коловратной на 500 лет и на 33. При сем же Генадии архиепископе, ле[та] 7012 (1504), месяца сентября 1 день, князь велики Иван Васильевич, и сын его князь велики Василей Иванович всея Руси, и пресвященый Симон митрополит всея Руси, и архиепископы, и епископы, архимандриты, и игумены, и весь святый собор, отлучили вдовцов попов и дияконов: обедней им от сих месть не служити, а вечерняа и заутреняа пети им, а причещатися попом в олтари и в потрахили да и в домех им у себя потрахили держати, а дияконом вдовцам причещатися в олтари же в стихарих со уларем, а не служить обедней дияконом вдовым (л. 85 — л. 86).
В лето 6995(1487). Взял князь велики Казань (л. 76).
В лето 6996 (1488), месяца июня 12, на паметь преподобнаго отца, нашего Ануфреа, бысть пожар велик, грозен: 8 церквей огорело, а людей множ[с]тво огорело, а животы без числа потопто[ша]; а за[го]релось на Кузмоде[мь]янской улици, да и до конца Неревского, да и конец (л. 75).
В лето 6998(1490), месяца марть 6, преставися к[нязь] в[е]лики Иван Васильевич всея Руси, в суботу веч[е]р. Того же [лета], месяца априля 25, на паметь святаго еу[анге]ли[с]та апостола Марка, бысть пожар велик: загорелося на мосту на вели[ко]м у городовых ворот, а церковь святаа Богородица огорела и стрелнница; и и[з] стрелницы похватило тесницу с огнем, понесло на Яневу улицу, и ту загорелося, и Яневы улици выгорело, и Роскина улица, и Хревкова улица, и Легоща улица, и Щиркова улица, и Розважа; а церквей огорело 5, а 6 Богородица на воротех (л. 75 — об. л. 75).
В лето 7000-ное. (1492) Князь велики Иван велел город ставити противу Ругодиво, и начаша (л. 76).
[В] лето 7002 (1494), месяца априля 10, на память святых мученик Теренътия иже с ним, коли загорелось от Микиты от денежника з дворищи, ино огорело 3 церкви: Никола, да Пятница, да Борис Глеб, а Иван Велики отнели, а маковици до половины розбило, а Успение святыа Богородица отнели же; по[с]ле и ряд горел, и выгореша ряды вси до великого мосту мало не до половины, а перенели у Лубяници, одна сторона, улици горело, а другая не горела, а горило на Фомине недели в четверток (об. л. 75 —л. 76).
В лета 7000-ное 4 (1496). Князь велики Иван Васильевич посылал Выборскую землю воевати. Того же лета князь вели[ки] Иван приде в Новгород на третей день Филипова заговейна. Того же лета Немци Ивангород взяша, много богатства и людей, месяца августа 28, в неделю (л. 76 — об. л. 76).
В лета 7008-е(1500). Посылал князь велики Иван Васильевич, и внук его князь велики Дмитрей Иванович, воеводы свой и князи на великого князя Александра Литовского и на всю Литовскую землю, с Москвы, воевати, воевода Яков Захарьевич, с иными воеводами: изо Твери князь Данило Шеня, из Великого Новагорода Ондрей Федорович, изо Пскова князь Александро Володимерович. А бой был у Смоленска; и Бог пособил воеводом великого князя Московским, князю Данилу Щеняти и Юрью Захарьевичю, Литву побили и воевод поимали, месяца июль в 14 день, на память святаго апостола Акилы (об. л. 76 — л. 77).
ИНОЙ СПИСОК: Лета 7008 (1500), месяца декабря 8 день, в неделю, на память преподобнаго отца нашего Потапиа, ходил архиепископ Генадей, со кресты, около города новаго каменого, да с ним игумены, и попы и дияконы, всем собором, и с наместьники, Андрей Федорович да Иван Андреевич, да и дворецкой Иван Михаилович Волынской, да диак Иван Суморок за кресты и со архиепископом не ходил; и архимандрит Юрьевъской, да игумен Антонъевъской Андрей, и игумен Хутынъской, и игумен Вежиской, и игумен с Лисьи горки, игумен Рожественской с поля, и игумен Арькажской, и игумен Колмовской, и игумен Коваленской, и архимандрит и те все игумены за, кресты не ходили же; да опроче тех игуменов, который имяны писаны, из иных манастырей многих игуменов не было. Д[а] пошел архиепископ из церкви из святыя Софии, после заутрнии, за кресты, на 1 часу дни, да вышед из церкви святыя Софеи, да пошел [с] своего двора мимо Николу в Исповедницкии ворота, да шед со двора пешел мимо Иерусалим к Богородицким к городным ворото[м], великому мосту; да, дошед до ворот да начал архиепископ молебен, да вышед из города пошел великим мостом [к] Кресту, да дошед до Креста да у Креста на, новом мосту архиепископ стал да велел говорити октению, да потом от Креста пощел новым мостом к [О]бразу и к Спаским воротом, «а на молебне велел архиепископ, идучи, попом и дияконом три кануны пети: 1 .канун о Страшном Суде, 2 Благовещению святей Богородици, третей канун новому Петру чюдотворцю митрополиту всея Руси»; да дошед до Спаских ворот, да тут против ворот архиепископ сталь и еуангелие на молебнех чел, и после уангелиа октенью велел говорить да и крестом воздвизал, благословлял крестообразно народ на все четыре стороны; да потом от Спаских ворот пошел к Покровским воротом, да, дошед [к] Покровским воротом, да, туто на мосту на Покровском, против ворот, архиепископ стал и велел октенью говорити и молебен совершити — и начал другой молебен; да потом пошел от Покровских ворот к Володимерским воротом; «а на другом молебне велел архиепископ пети три кануны: первой кануны от смертоносныя язвы, второй Пречистой Одегитреи, третей новому чюдотворцю Алексею митрополиту всея Руси»; да, дошед Гребелского мосту, что из Володимерских ворот, да оттоле пошел к новому мосту, да взошед на новой мост против Володимерских ворот, [д]а тут архиепископ стал и еванг[ел]ие на другом молебне чел, и после еуангелиа октенью велел говорити; да от[се]ле пошел новым мостом ко Кресту к великому мосту, да дошед до Креста на великой мост, да туто архиепископ стал и велел октенью говорить, да и молебен другой съвершити, и крестом воз[д]визалным благословлял крестообразно народ на все четыре страны; да потом от Креста пошел великим мостом, да дошед до ворот да входя в во[ро]та в город да кропил святою водою; и вшед в город, пошел мимо ж Иерусалим к своему двору, да на свой двор взошел в Исповедницки же ворота, и от ворот пошел к церкви святей Софии, да перед притвором стал, да туто начал святою водою кропити притвор и двери церковныи, да потом наместников крестом благословлял и водою святою кропил, и великого князя дворецкого, и детей боярских и весь народ; да потом вшел в церковь да велел октенью говорити да и отпуск веле совершити, и намест[н]иков благословил и прочь отпустил, а игуменов и попов и дяконов потомуж благословил и прочь отпустил, и наказал им, чтобы Бога молили о государех великих князех и о всем праваславном християньстве, по вся дни кож[д]о у своей церкви молебны пети; и вшол архиепископ в церковь во святую Софию, со кресты, на первом часу дни, а сам архиепископ из церкви пошел к себе в келью, да того же дни архиепископ у себя на сенех, в Великом Еуфимие, и обедню служил. Того же лета и месяца того же 15, на память преподобнаго отца, нашего Стефана Сурожского чюдотворца, ходил архиепископ Генадей со кресты около города старого, вкруг деревяной стены, по сей стороны реки, да с ним архимандрит Юрьевьской, да игумен Антоньевьской, и игумен Спаской, игумен Вежитской, и игумены, и попы и дияконы всем собором, да и намесники Ондрей Федорович да Иван Ондреевич Лобан; да пошел архиепископ и[з] церкви святыя Софии, после заутрени, за кресты, на первом часу дни, да вышед из церкви святыа Софии, да пошел [из] своего двора в Исповедницкии ворота, да сшед з д[в]ора пошел мимо Иерусалим к Богородицким к городным воротом к великому мосту, дошед до ворот да начал архиепископ молебен; да вышед из города, да пошел великим мостом к Кресту, да дошед до Креста, да у Креста на новом мосту архиепископ сталь да велел говорити октенью; да потом от Креста пошел новым мостом к [О]бразу, да дошед до Образа да пошел на левую руку на реку, да рекою пошел в Горничарской конец, к Олексею святому, к деревеной церкве, «а на молебне велел архиепископ, идучи, попом и дияконом три кану[ны] пети: 1 канун о Страшном Суде, 2 Благовещению, 3 канун новому чюдотворцу Петру митрополиту всея Руси»; да дошед до Алексея святаго, да туто против Алексея святаго архиепископ стал и октенью велел говорити, да и крестом воздвизалным благословлял крестообразно народ на все четыре стороны, и молебен свершил; и потом пошел от Олексея святаго, [в]спольем, к Духу святому в манастырь, и начел другий молебен, «а на другом молебне велел пети три же кануны: [1-й] о смертоносной язве, 2 Пречистой Одегитрие, а 3 новому чюдотворцу Петру»; да дошед Петровскии улици стал и велел октенью говорити, да и крестом въз[д]визалным благословлял народ на все четыре страны, и молебен свершил; и после пошел к Чюдинцове улици, и начал третей молебен «а на третием молебне велел пети три же молебны: [1-й] Покрову святей Богородици, а вторый Леонътию епископу Ростовскому, а третей Варламию чюдотворцу»; и дошед Чюдинцовы ули[цы] стал и еуангелие чел, и после еуангелиа октенью велел говорить, и крестом воздвизалным благословлял крестообразно на все четыре страны, да и водою святою кропил; и оттоле пошел к Духу святому, рвом, и пришед к Духу святому в манастырь, да у манастырскых ворот стал и велел октенью говорить, да и молебен свершил; а из Духова манастыря архиепископ послал священников и дияконов со кресты, и велел им молебен пети вкруг тех дворов, который сам не опшел Зверинского манастыря и Николского манастыря, и себя им велел со кресты сойти; а сам пошел к Петровскому мосту, а от Петровского мосту пошел к реке, и шел берегом до Яневы улицы, и пришед к Яневе улицы, да взошел на гору да пошел к новому мосту, взашод на новой мост да шел новым мостом ко Кресту к великому мосту, да туто архиепископ стал да велел октению говорити, да и крестом воздвизалным благословлял крестообразно на все четыре страны; да потом от Креста пошел, великим мостом, в город к Богородицким же воротом, да входя в ворота в город да кропил святою водою, да пошел на свой двор; а взошед на свой двор, у великии Софии перед притвором стал, да туто начал святою водою кропити притвор и двери церковныи, да потом наместников крестом благословлял и водою святою кропил, и детей боярских и весь народ; да потом вшел в церковь да велел октению говорити да и отпуск съвершил, и наместников благословил и прочь отпустил, и игуменов и попов и дияконов по тому же благословил и проч отпустил, а наказал им, чтобы Бога, молили о государех и великих князех и о всем праваславном християнстве, по вся дни кождо у своей церкви молебны пели; а вшол архиепископ, со кресты, в церковь в святую Софию на 7-м часу дни, а сам архиепископ из церкви пошел к себе в келью; да того дни архиепископ у себя на сенех обедню слушал, а сам того дни не служил (об.л.16 —л. 22).
Лета 7014 (1506), декабрь 4 день, преставися архиепископ Генадей; а был на владычстве 20 лет 6е[з] 6 месяц, а сведен был на, Москве два, года неполны, положен бысть в Чюдове монастыри. Того же лета месяца Февраля, приехал архиепискуп Серапион с Москвы в Великий Новгород, от Троицы святый Сергиева монастыря игумен (л. 86 — об. л. 86).
В лета 7016 (1508), августа в 20 день, на, память святаго пророка Самоила, при благоверном великом князе Василье Ивановиче всея Руси, при митрополите Московском Симоне и при архиепископе Великого Новагорада и Пскова Серапионе, в 1 часу дни, на заутрении, в неделю, в Великом Новегороди бысть пожар зол: загорелось на Славкове улици, в Окулове двори Хмелникове, у Логинови жены у Катерины в клети, от свечи, и погорела Торговая сторона вся, и многи полаты позасыпались и животов без числа згорело; и церковь святаго Дмитрея выгорела вся в торгу и животы, и другая церковь выгорела на Щитной улици вся святаго Андреа. И николиже в Великом Новегороди таков пожар не бывал, ни в прежних летех, но велми бысть страшен, ни в летописцах таковаго пожара инаго не обретохом толь злаго: яко облаци дождовни того дни не быша, и за много дней бысть велие ведро и гремение, ведро бысть страшно на небесех и на земли, страшьнее же небеснаго труса. И наиде же на люди страх и беда велика, и друг друга не может помощи пособити; и мнози же человеци, з женами и з детми и з животы своими, збегоша, в сад в Варбузьевской, иже бысть на Никитине улици, а чаяху великия тоа, беды избыти, и не избыша. И приде на них вихр велик, и вси людие изгореша, и сад весь ис корения изгореша вырываа; и никтоже осташа, в саду том людей бывших, и все лежат яко свинии огореша: овому тимя погореша, а иному чрево погореша, а иных руки и ноги огореша; и никто же можеть познати своего мертвеца, ни отец сына, ни мати дщири, ни сын отца, ни дщи матери, ни брат брата. Стояху же людие над мертвыми, глаголаху с плачем: посли, Господи, на нас горы, да нас покрыют, или иноплеменники, да нас пленят, дабы сих не видехом. А [о] утопших скажем: как сад горел, и бысть вихр велик, Волхвова реки суды велики с людми и з животы ношаше и во огнь вметаше, а иные в воде вихром потопаше; истопших несть числа, Бог един весть колко их истопше. Нигде же николи же таков пожар не бывал: начаша горети в неделю в 1-й час дни, и преста горети в понеделнек в 7-й час дни; а всех душ згорело 3000 и 300 и 15, а утопоша душь Бог весть, который без вести изгыбли. И быша, кла[де]зь много в саду том, и все выгореша; и собрашася тогда неких 12 человек, и едва обретоша те человеци кла[де]зь велик зело, и тамо те человеци в том кладезе избыша от огня; и тии здрави быша, и из сада изыдоша, ничим же невредими (об. л. 9— об. л. 11).
1440 Содержание 1509