Кликни на квадрат справа, чтобы открыть вкладки сайта
Перепечатка в интернете разрешена при условии наличия активной ссылки на сайт " Святая София и Великий Новгород: История и современность".
НОВГОРОДСКАЯ ВТОРАЯ ЛЕТОПИСЬ
(по сборнику Архивского)
В лето 6624 (1116). Павел(+)посадник заложи Ладогу град камен (об. л. 136).
(+) В рукописи: повелел; исправлено по харатейному синодальному списку Новгородской летописи, стр. 121.
В лето 6625(1117). При[ве]де Володимер Мстислава, сына своего, марта 17, из Новагорода в Киев, а в Но[ве]городе сиде Всеволод Мстиславич. И того лета бысть знамение в Новегороди, в святей Софи, от грому: маиа 14, в час 10, в вечернюю, поющим един от диякон зарожен бысть от грому, а крилос весь падоша ниц и 3 людми, но вси живи быша; а на вечер бысть знамение в луне (л. 69— об.л. 69).
В лето 6627 (1119). Того же лета игумен Антоней заложи церковь каменую; свершена бысть Анто[но]ва святаа Богородица в Новигороди манастырь (об. л. 136).
В лето 6628 (1120). Преставися митрополит Руский Никифор (л. 137).
В лето 6632 (1124). Бысть пожар в Киеви, яко погоре мало не весь, яко погоре церквей единых 600, [и]юнь 23[и]24, на Рождество Иоанна Предотечи.
В то же лето бысть знамение в солнци, [а]вгуста 11, в 9 час дни(++), перед вечернею, поча убывати солнца, бывшу ему яко месяць мал, и мало не смерчеся, пополудне погибе все. О велик страх и тма бысть! и звезды быша и месяць; паки нача прибы[ва]ти вборзе, и наполнися, и ради быша, по граду (об. л. 70).
ИНОЙ СПИСОК: В лето 6632 (1124). Зогоре град Киев весь, а горело 2 дни; а церковь згорело 600, а людей без числа и животов (л.58).
В лето 6633 (1125). Того же лета подписа[ша] церковь Антонову в монастыри (л. 137).
ИНОЙ СПИСОК: В лето 6633(1125), месяца маия в 19 день, преставися Володимер Мон(ом]ах, княжив в Киеви лет 13, а жив всех лет 73, украшен бе добрыми нравы и прослувый в победах за, Русскую землю(*) с погаными Половци, егоже имени вся страны трепетаху; и положен бысть во святей Софи в Киеви
(л. 126 — об. л. 126).
В лето 6634 (1126). Преставися митрополит Никита, марта в 9 (л.137).
В лето 6635(1127). Заложил князь великий Всеволод Мстиславич и владыко Нифонт Ивана на Петрове дворищи (л. 58).
ИНОЙ СПИСОК: В лето 6635 (1127). Заложи князь Всеволод церкву камену святаго Ио[а|на, в Новегороде, [н]а Петрятине двори, во имя сыновне. В то же лето об[л]ожи трапезу камену Антоней игумен в Новегороди. Того же лета вода бяша велика в Волхове, а снег лежа до Яковлева дни; а осени поби мраз вешней всю озимъ, и бысть глад ‚- через зиму ржи осмина по полугривн (л. 124).
В лето 6638 (1130). Поставлен бысть Новугороду Нифонт архиепископ, муж свят зло и боя[й]ся Бога; и прииде к Новугороду месяца, генва[ря] 1 день, на память святаго Василиа, в обеднюю (об. л. 68).
В лето 6639(1131). Бысть знамение в солнци, в вечер[н]юю, марта 30.
В то же лето, на зиму, иде Всеволод на Чюдь; и сътвори[ся] пакость велика, много добрых мужей избиша Новгородцов , месяца генваря 23, в суботу (*) (об. л. 113).
(*)23 января в мартовском 6639-м году падало на четверг, а в сентябрском том же году — на пятницу. 23-е января приходилось в субботу сентябрского 6640-го года.
ИНОЙ СПИСОК: В лето 6639(1131). Постави архиепископ Нифонт А[н]тониа игуменом (л. 137).
В лето 6641(1133). Бысть знамение в солнце пред вечерьнею. И церкви сруби[ша] две деревеных на торговищи, святыа Богородица и святаго Егоргиа, при князи Всеволоде. На зиму иде Всеволод с Ноугородци на Чюдь и взя градъ Геръгевъ, на паметь святаго Никифора, февраля 9 (об.л.68 – 69).
В лето 6643 (1135). Заложи той же князь Всеволод святую Богородицу на торгу, Арожнет(*) святаго Николу на [Я]ковлевой улици (л. 58).
(*)В Новгородской летописи по синодальному списку, стр. 128: Ирожнет.
ИНОЙ СПИСОК: В лето 6643 (1135). Того же лета заложи Всеволод, со архиепископом Нифонтом, церковь камену святыа Богородица на торжищи; а в Новигороди Аложнид(*) заложи церкву святаго Николу, на Яковлеве улици (об. л. 70—л. 71).
(*)В Новгородской летописи по синодальному списку, стр. 128: Ирожнет.
В лето 6648 (1140), марта 20, бысть знамение в солнци, и толико оста, яко бывает месяц 4 дней; и паки до запада до солнечнаго наполнися
(л. 71).
[В] лето 6649(1141). [П]реставися благоверный князь Андрей Володимеровичь, в Переяславли, месяца, генваря 22. Егда несяхуть и ко гробу, дивно бысть знамение велми на небеси: 3 солнца сияюще межи собою, и столпи трие от земля и до небеси, надо всеми горе бяше яко дуга, а месяць о собе стоящь; и стояше знамение тои дондеже и похоронеша, его во церкви [святаго Михаила] (*)
(л. 71).
(*)Слова: святаго Михаила взяты из Полн. Собр. Русск. Лет., т.V, стр. 159. За этим в рукописи под этим годом помещены следующие слова: камену Бориса и Гльба, при князи М(с)тиславь (Святослави) Ростис(л)авичи, при архиепископи Ильи, относящияся к 6675 году.
В лета 6652(1144). Делаша мост через Волхов, подле ветхаго новой весь. В то же лето подписа честно притворе вся во святей Софии в Новегороди архиепископом Нифонтом (л. 124 — об. л. 124).
В лето 6655(1147). Преставися игумен Антоней (л. 137).
В лето 6656 (1148). Бысть з градом дождь и гром, июня 27, в неделю, зажже гром церковь святая Богородица во Зверинцах в монастыре (л. 137).
В лето 6658 (1150). Прииде архиепископ Няфонт, пущень ис Киева в Новгород Юрьем князем, и ради быша Новгородци (л. 137).
В лето 6661(1153). Иде боголюбивый архиепископ Нифонт в Ладогу, и заложи церковь святаго Климента. В то же лета заложи игумен Аркадей церкву Успение святыя Богородица, и состави себе `монастырь; и бысть християном прибежище и ангелом радость (л, 137 — об. л, 137).
В лето 6664(1156). Преставися владыко Нифонт; положен бысть в Печерском монастыри. И того [лета] Наугородци по жребию владыкою Аркада поставиша. Того же лета куцци поставиша святую Пятницу
(л. 58 —об. л. 58).
В лето 6664(1156). Той же весны Нифонт епископ преставися, месяца априля 21, празной недели в суботу, и положен бысть в Пе[че]рском монастыри. В то же лето поставиша купци заморсти церковь святыа Пятница на торговищи (л. 123).
В лето 6666(1158).По грехом нашим изомроша кони в Новегороде и по селом, яко нелзе бяше пойти смрада никудыже (об. л. 113).
В лето 6671 (1163). Преставися владыко Аркадей, и того лета поставили(*) владыкою Илью (об. 4. 58).
(*) То есть избрали и возвели на сени, так как Илия был посвящен в 6673 году.
В лето 6671 (1163). Преставися архиепископ Новгородцкой Аркадей, сентебря в 19; и положиша и честию с великою в притворе святыя Софии (об.л. 126).
лето 6673 (1165). Поставлен бысть Илия, архиепископ Новгородский‚ от митрополита, Ивана Киевъского [и] всея Руси, и при князи Ростиславе Мс[тис]лавличи Киевъском; а священствовал у святаго священомученика Власия на Волосове улици, и норечен бысть во иноцех Иван (об.л.128).
В лето 6673 (1165). Поставлен бысть Илия архиепископ Новгородцкой, от митрополита Иоанна, при князе Рустем Ростислави, марта 28, на вербницу; и прииде к Но[ву]городу маия в 11, при князе Святослави, а при посаднице Захарии. Того же лета поставиша церковь святыя Троицы на Шетинице, а князь Святослав святаго Николу на Городищи (об.л.131 – л.132).
В лето 6674. (1166) Преставися митрополит Иоанн в Киеви (л.132).
[В лето бб75.(1167) На ту же весну заложи Съдко Сытиниць церковь ](*) камену Бориса и Глеба, при князи Святославе(+) Ростис[л]авичи, при архиепископи Ильи (л.71).
(*) Слова: в лето 6675.... церковь взяты из Новгород. летописи по синодальн. списку, стр.146.
(+) В рукописи: Мстислав.