Сайт посвященный церковной истории

Пути

Великого Новгорода

История и

современность

Яндекс.Метрика

Перепечатка в интернете разрешена при условии наличия активной ссылки на сайт " Пути Великого Новгорода: История и современность".

Благоверный князь Владимир Ярославич

 

День памяти 17 (4) октября

Святые мощи почивают в Софийском соборе Великого Новгорода

Тропарь, глас 4.

 

Измлада явился еси, богомудре княже Владимире, Божественный сосуд избран Богови, благочестием воспитан, веру непорочну соблюл и, храм пречуден Премудрости Божия в Великом Новеграде сем устроив, тело твое в нем предложил еси, и ныне, на Небесех предстоя Престолу Святыя Троицы, молися низпослати и нам велию и богатую милость.

 

Кондак, глас 8.

 

Многомудренно пожив в княжении твоем в Великом Новеграде, благо-верный княже Владимире, плод благий в жизни сей был еси, присно-цветущ  добродетельми. Того ради получил еси жизнь вечную на Небе-сех, тело же твое нетлением прославлено бысть на земли, и ныне праздник твой светло совершающе, с любовию вопием тебе: радуйся, великому Новуграду и всей Российстей земли утверждение.

 

Величание.

 

Величаем тя, святый благоверный княже Владимире, и чтим святую память твою, ты бо молиши за ны Христа Бога нашего.

 

Молитва, читаемая в Новгородском Софийском соборе.

 

О святый благоверный княже Владимире! Благая отрасле святаго про-светителя страны нашея равноапостольнаго Владимира, ему же ты усердно подражал еси в княжении Великаго Новаграда, наипаче же в служении Царю царствующих и Господу господствующих! Неусыпный страж и воевода был еси противу воюющих на преданное тебе от Госпо-да земное достояние - православный народ Российский. Паче же подви-зался еси противу ветхаго врага спасения нашего, возстая нань твоими подвиги, пощением, молитвами же и добродетельми. В ревности же о Господе премудрому Соломону подражая, ты и сей храм преименитыя Софии Премудрости Божия потщался еси устроити и украсити, якоже строением, такожде и приношеньми неоскудными. Сего ради Бог про-слави тя земною славою, паче же красотою добродетельнаго твоего жития, яко вернаго и благаго раба Своего. Ты же, пожив зде лета мала и в них стяжав житие нескверно и Богу воистину угодное, яко твердое основание и яко художный строитель, возлегл еси в сем тобою создан-ном небоподобном храме Царицы Небесныя, яко последний на земле дар оставляя нам честное и нетленное твое тело. Мы же, чада твоя, сия видяще и благоговением объяты, со умилением молим тя, угодниче Христов! Моли Великодаровитого Бога нашего, да не оскудевает и в нас вера, тебе спасшая, да потщимся и мы всегда любити сей дом Влады-чицы, облагоуханный святыми мощами твоими и всех зде почивающих с тобою святых угодников Божиих. Да со страхом и трепетом ходим с благоговением пред сими дивными мощами, прославляя добродетели ваши. Вемы, яко молишися о нас со всеми зде лежащими святыми, якоже увери в сем и дивный святитель наш Иоанн, во сне явивыйся святителю Евфимию и повелевый ему именем Господним на всякий год в сей день совершати память о лежащих зде архиепископех и князех Новгородских, еже и мы немощнии потщахомся совершити. Умоли Господа, да утвердит во православии и единомыслии всю страну нашу, да прославляется в ней непрестанно Отец наш Небесный, Ему же во святых слава и держава, во веки веков. Аминь.