Сайт посвященный церковной истории

Святая София и

 Великий Новгород

История и

современность

История и современность
Яндекс.Метрика

Кликни на квадрат справа, чтобы открыть вкладки  сайта

Перепечатка в интернете разрешена при условии наличия активной ссылки на сайт " Святая София и Великий Новгород: История и современность".

мы в Telegram

Видение пономарю Софейскому, иноку Аарону, в лето 6946 (1438). 

 

        В едину нощь виде пономарь софейской инок Аарон, не во сне ни в привидении, но яве, преже отшедшая архиепископы, и пред ними двери церковныя сами о себе отверзошася; пономарь же Аарон лежаше на одре страхом велиим обдержим, несмея по будити своих товарищей, близ спящим, не ведущим бывающаго.

 

Пономарь же Аарон вста от одра и позри в двери церковныя, и виде в церкви свет привелий, и помале поидоша из Олтаря вси во своем сану, якоже на выход, един по единому, и сташа пред иконою Пречистыя Богоматери Корсунскою, и начаша пети на мног час, глас же их слышашеся, а словес глаголемых от них, не може разсудите. И стоявше же яко час, таже поидоша во святый Алтарь, и не виде их ктому пономарь Аарон, ни гласа их слыша; а свет скрыся.

 

Архиепископу же Евфимию и всему священному собору пришедшу на заутреню, и пономарь Аарон поведа архиепископу Евфимию и всему священному собору, еже виде преславное видение. Архиепископ же Евфимий быв радостен о таковем явлении, и прослави Бога и рече, не оставит Бог место сего молитв ради святых своих архиепископов; и пел понахиду по архиепископех (всем) собором, и обедню служил у соборной церкви, и соборяном дал почесть, и кормил и поил их и милостыню дал, такоже и нищим много милостыни раздая в той день.