Сайт посвященный церковной истории

Святая София и

 Великий Новгород

История и

современность

Яндекс.Метрика

Перепечатка в интернете разрешена при условии наличия активной ссылки на сайт " Святая София и Великий Новгород: История и современность".

понравился сайт? поддержи его существование

Священномученик 

Варсонофий (Лебедев),

епископ Кирилловский (1918).

 

День мученической кончины 15 (2) сентября

Священномученик Варсонофий, епископ Кирилловский

Тропарь, глас 3,

 

Во благочестии издетска воспитаннаго, во проповедании слова Божия изрядно потрудившася, и по убиении двери райския отверзшаго, ублажим, вернии, священномученика Варсонофия, и, взирая на скончание жития его, потщимся со усердием подражати вере его.

 

Кондак, глас 2, общий.

 

Восхва́лим, ве́рнии, изря́днаго во святи́телех  и сла́внаго в му́ченицех Варсонофия, Правосла́вия побо́рника и благоче́стия ревни́теля, земли́ Ру́сския кра́сное прозябе́ние, и́же страда́нием Небесе́ дости́же и та́мо те́пле мо́лит Христа́ Бо́га спасти́ся душа́м на́шим.

 

Величание.

 

Велича́ем тя, священному́чениче Варсонофие, и чтим честна́я страда́ния твоя́, я́же за Христа́ во утвержде́ние на Руси́ Правосла́вия претерпе́л еси́.

 

Молитва, общая.

 

О избра́нниче и уго́дниче Христо́в, священному́чениче Варсонофие! Це́ркве Ру́сския сто́лпе непоколеби́мый, земли́ на́шея благо́е прозябе́ние и кра́сный плод, сро́дников твои́х предста́телю и наста́вниче! Ты во вре́мя гоне́ния безбо́жнаго от сокро́вищницы души́ твоея́ спаси́тельное испове́дание Правосла́вныя ве́ры изне́сл еси́, и лю́дем ве́рным па́стырь до́брый яви́лся еси́, ду́шу твою́ за Христа́ и Его́ о́вцы полага́я и лю́тыя во́лки дале́че отгоня́я. Ны́не у́бо при́зри на нас, недосто́йных чад твои́х, умиле́нною душе́ю и сокруше́нным се́рдцем тя призыва́ющих. Умоли́ Го́спода Бо́га, да прости́т согреше́ния на́ша и изба́вит от а́довых уз и ве́чнаго муче́ния. Утверди́ нас в ве́ре святе́й, научи́ нас всегда́ твори́ти во́лю Бо́жию и храни́ти за́поведи церко́вныя. Бу́ди па́стырем на́шим пра́вило ве́ры, во́ином вождь духо́вный, боля́щим врач изря́дный, печа́льным уте́шитель, гони́мым засту́пник, ю́ным наста́вник, всем же благосе́рдый оте́ц и те́плый моли́твенник, я́ко да моли́твами твои́ми соблюде́тся в Правосла́вии Свята́я Русь и непреста́нно сла́вится в ней и́мя Пресвяты́я Тро́ицы, Отца́, и Сы́на, и Свята́го Ду́ха, во ве́ки веко́в. Ами́нь.