Ваш браузер устарел. Рекомендуем обновить его до последней версии.

Икона Божией Матери ЗнамениеИкона Божией Матери Знамение

.+.+.+.+.+.+.

Святителю Иоанну.                                                                                                                              Святителю Моисею.

Святитель Иона Новгородский.

Тропарь,глас 4.


Исправление веры, и образ кротости, / и якоже сад посреде рая, / преподобными делы твоими мир просвещаеши, и сего ради к мощем твоим любовию прикасаемся и верно вопием: / предстани в помощь воспевающим память твою светоносную, отче Ионо, / и моли спастися душам нашим.


Кондак,глас 4.


Свыше приял еси божественную благодать, ходатайствовати Богу и человеком, яко архиерей возношение вознося, и мир людем твоим снося, и обилие плодов, Ионо блаженне: ты бо еси великаго Новаграда похвала, и сущих о нем радость.


Величание.


Величаем тя, святителю отче Ионо, и чтим святую память твою, ты бо молиши за нас Христа Бога нашего.


Молитва,читавшеся в Ионо-Отенском монастыре.


О великий угодниче Божий, преславный чудотворче и скорый помощниче в бедах сущим, святителю отче Ионо! Предстоя со ангелы небесному престолу Великого Царя, Господа нашего Иисуса Христа, велие дерзновение к Нему, яко верный Тому подражатель и таинник Божий, имаши. К тебе убо, яко многомощному предстателю нашему и усердному о нас молитвинику, мы, грешнии и недостойнии прибегаем: моли благость Его, яко да отвратит от нас гнев Свой, праведно по делом нашим на ны движимый, и презрев безчисленная прегрешения наша, обратит нас на путь покаяния, и на стези заповедей Своих десницею Своею да утвердит нас. Огради, святителю Христов, молитвами твоими жизнь нашу, и во всем благом благое поспешение испроси нам у Великодаровитаго Бога нашего, вся к житию и благочестию потребная нам даруя. И якоже в земнем житии твоем ближним благодетельствовал еси, нищия питая, вдовицы и сироты заступая и от губительства смертного паству твою молитвами твоими избавляя: тако и нас и обитель твою святую от всяких напастей и бед и смертельных недугов предстательством твоим избави и от всех враг видимых и невидимых молитвенным покровом твоми защити. Сохрани, угодниче Божий, в мире державу нашу, и всей стране Российстей буди покровитель и заступник крепкий, яко да тихое и безмовлвное житие поживем во всяком благочестии и чистоте, и тако в мире временное сие житие прешедше, в вечный достигнем покой, идеже сподобимся Небесного Царствия Христа Бога нашего, славяще Его, со Безначальным Его Отцем и Пресвятым Духом, во веки веков. Аминь .

Рейтинг@Mail.ru
Яндекс.Метрика

© Софийский кафедральный собор Великого Новгорода: История и современность

Перепечатка в интернете разрешена при условии наличия активной ссылки на сайт