Ваш браузер устарел. Рекомендуем обновить его до последней версии.

Икона Божией Матери ЗнамениеИкона Божией Матери Знамение

.+.+.+.+.+.+.

Святителю Феофилу.                                                                                           Священномученику Михаилу (Борисову).

СВЯЩЕННОМУЧЕНИК ВАРСОНОФИЙ (ЛЕБЕДЕВ), ЕПИСКОП КИРИЛЛОВСКИЙ,ВИКАРИЙ НОВГОРОДСКОЙ ЕПАРХИИ (1918+)

Тропа́рь, глас 3:
Це́ркве Ру́сския сто́лпе непоколеби́мый,/ благоче́стия пра́вило,/ жития́ ева́нгельскаго о́бразе,/ священному́чениче Варсонофие,/ Христа́ ра́ди пострада́вый да́же до кро́ве,/ Его́же моли́ усе́рдно,/ я́ко Нача́льника и Соверши́теля спасе́ния,/ Русь Святу́ю утверди́ти в Правосла́вии// до сконча́ния ве́ка.

 

Конда́к, глас 2:
Восхва́лим, ве́рнии,/ изря́днаго во святи́телех / и сла́внаго в му́ченицех Варсонофия,/ Правосла́вия побо́рника и благоче́стия ревни́теля,/ земли́ Ру́сския кра́сное прозябе́ние,/ и́же страда́нием Небесе́ дости́же/ и та́мо те́пле мо́лит Христа́ Бо́га// спасти́ся душа́м на́шим.

 

Велича́ние:
Велича́ем тя,/ священному́чениче Варсонофие ,/ и чтим честна́я страда́ния твоя́,/ я́же за Христа́ во утвержде́ние на Руси́ Правосла́вия// претерпе́л еси́.

 

Моли́тва
О избра́нниче и уго́дниче Христо́в, священному́чениче Варсонофие! Це́ркве Ру́сския сто́лпе непоколеби́мый, земли́ на́шея благо́е прозябе́ние и кра́сный плод, сро́дников твои́х предста́телю и наста́вниче! Ты во вре́мя гоне́ния безбо́жнаго от сокро́вищницы души́ твоея́ спаси́тельное испове́дание Правосла́вныя ве́ры изне́сл еси́, и лю́дем ве́рным па́стырь до́брый яви́лся еси́, ду́шу твою́ за Христа́ и Его́ о́вцы полага́я и лю́тыя во́лки дале́че отгоня́я. Ны́не у́бо при́зри на нас, недосто́йных чад твои́х, умиле́нною душе́ю и сокруше́нным се́рдцем тя призыва́ющих. Умоли́ Го́спода Бо́га, да прости́т согреше́ния на́ша и изба́вит от а́довых уз и ве́чнаго муче́ния. Утверди́ нас в ве́ре святе́й, научи́ нас всегда́ твори́ти во́лю Бо́жию и храни́ти за́поведи церко́вныя. Бу́ди па́стырем на́шим пра́вило ве́ры, во́ином вождь духо́вный, боля́щим врач изря́дный, печа́льным уте́шитель, гони́мым засту́пник, ю́ным наста́вник, всем же благосе́рдый оте́ц и те́плый моли́твенник, я́ко да моли́твами твои́ми соблюде́тся в Правосла́вии Свята́я Русь и непреста́нно сла́вится в ней и́мя Пресвяты́я Тро́ицы, Отца́, и Сы́на, и Свята́го Ду́ха, во ве́ки веко́в. Ами́нь.

Рейтинг@Mail.ru
Яндекс.Метрика

© Софийский кафедральный собор Великого Новгорода: История и современность

Перепечатка в интернете разрешена при условии наличия активной ссылки на сайт