Ваш браузер устарел. Рекомендуем обновить его до последней версии.

Икона Божией Матери ЗнамениеИкона Божией Матери Знамение

.+.+.+.+.+.+.

СВЯТОЙ БЛАГОВЕРНЫЙ КНЯЗЬ ВЛАДИМИР ЯРОСЛАВИЧ НОВГОРОДСКИЙ.

 

Тропарь, глас 4
Измлада явился еси, Богомудре княже Владимире,/ Божественный сосуд избран Богови,/ благочестием воспитан, веру непорочну соблюл/ и, храм пречуден Премудрости Божия/ в Великом Новеграде сем устроив,/ тело Твое в Нем предложил еси,/ и ныне, на Небесех предстоя Престолу Святыя Троицы,/ молися низпослати и нам велию и богатую милость.

 

Кондак, глас 8.
Многомудренно пожив в княжении твоем в Великом Новеграде,/ благоверный княже Владимире,/ плод благий в жизни сей был еси, присноцветущ добродетельми./ Того ради получил еси жизнь вечную на Небесех,/ тело же твое нетлением прославлено бысть на земли,/ и ныне праздник твой светло совершающе,/ с любовию вопием тебе:/ радуйся, великому Новуграду и всей Российстей земли утверждение.

 

Величание.

Величаем тя,/ святый благоверный княже Владимире,/ и чтим святую память твою,/ ты бо молиши за ны Христа Бога нашего.

 

Молитва, чтомая в Софийском соборе.

О святый благоверный княже Владимире! Благая отрасле святаго просветителя страны нашия равноапостольного Владимира, ему же ты усердно подражал еси в княжении Великого Новограда, наипаче же в служении Царю царствующих и Господу господствующих! Неусыпный страж и воевода был еси противу воюющих на преданное тебе от Господа земное достояние - православный народ Российский. Паче же подвизался еси противу ветхого врага спасения нашего, возстая нань твоими подвиги, пощением молитвами же и добродетельми. В ревности же о Господе премудрому Соломону подражая, ты и сей храм преименитыя Софии, Премудрости Божия потщался еси устроити и украсити, якоже строением такожде и приношениеми неоскудными. Сего ради Бог прослави тя земною славою, паче же красотою добродетельного твоего жития, яко верного и благаго раба своего. 

Ты же, пожив зде лета мала и в них стяжав житие нескверно и Богу воистину угодное, яко твердое основание и яко художный строитель, возлегл еси в сем тобою созданном небоподобном храме Царицы Небесныя, яко последний на земле дар оставляя нам честное и нетленное твое тело. 

Мы же, чада твоя, сия видящие и благоговением объяты, со умилением молим тя, угодниче Христов! Моли Великодаровитого Бога нашего, да не осукдевает и в нас вера, тебе спасшая, да потщимся и мы всегда любити сей дом Владычицы, облагоуханный святыми мощами твоими и всех зде почивающих с тобою святых угодников Божиих. Да со страхом и трепетом ходим с благоговением пред сим дивными мощами, прославляя добродетели ваши. Вемы яко молишися о нас со всеми зде лежащими святыми, якоже увери в сем и дивный святитель наш Иоанн, во сне явивыйся святителю Евфимию и повелевый ему именем Господним на всякий год всей день совершати память о лежащих зде архиепископех и князех новгородских,еже и мы немощнии потщихомся совершити.

Умоли Господа, да утвердит во православии и единомыслии всю страну нашу, да прославляется в ней непрестанно Отец наш Небесный, ему же во святых слава и держава во веки веков. Аминь. 

Рейтинг@Mail.ru
Яндекс.Метрика

© Софийский кафедральный собор Великого Новгорода: История и современность

Перепечатка в интернете разрешена при условии наличия активной ссылки на сайт