Ваш браузер устарел. Рекомендуем обновить его до последней версии.

Икона Божией Матери ЗнамениеИкона Божией Матери Знамение

.+.+.+.+.+.+.

СВЯТОЙ БЛАГОВЕРНЫЙ КНЯЗЬ МСТИСЛАВ ХРАБРЫЙ, ВО СВЯТОМ КРЕЩЕНИИ ГЕОРГИЙ.

 

Тропарь, глас 4

Измлада явился еси, Богомудре княже Мстиславе,/ Божественный сосуд, избран Богови,/ благочестием воспитан,/ веру непорочну соблюл еси./ Темже предстоя Святей Троице,/ молися стране Российстей сохраненной быти/ и всем нам спастися.

 

Кондак, глас 8

Многомудренно пожив в княжении твоем/ в великом Нове граде сем,/ благоверный княже Мстиславе,/ плод благий Богови в жизни сей был еси,/ присноцветущ добродетельми,/ того ради получил еси жизнь вечную на Небесех,/ тело же твое нетлением прославлено бысть на земли./ Мы же, предстояще иконе твоей, любовию вопием ти:/ радуйся, утверждение граду нашему.

 

Величание.

Величаем тя, святый благоверный княже Мстиславе, и чтим святую память твою, ты бо молиши за ны Христа Бога нашего.

 

Молитва читаемая в Софийском соборе.

О, святый благоверный Мстиславе! Со умилением предстояще ныне пред священной ракой твоей усердно молим тя.  Ты на земли быв князем земнаго удела твоего, Великого Новограда, бодренно и мужественно не токмо от супостатов охранял еси страну нашу, но и всем окрестным народам великою и славною и страшную явил еси область Пречистыя Богородицы, небесныя воеводы и заступницы нашия перед Богом: и ныне дерзновением своим пред Небесным Царем  охраняй нас от всякого врага и супостата, наипаче же от дьявольского нападения, ты пребывая в славном  княжении, наипаче того славно и прекрасно просиял еси богоугодным, добродетельным и молитвенным пред Господнем житием твоим, настави и нас во обычном нашем житейском делании не свою волю, но волю Божию искати и совершати, да такожде везде в доброделании и молитве ходим пред всевидщим Вседержителем, уготовляя себе кийждо к вечной жизни во царствии Отца Небесного, ты в земном твоем странствовании дивно прославил еси Спасителя Бога, ему Единому работая в нелицеприятной совести; и ныне, предстоя ему на небеси, испроси и нам спасительную силу Всесвятаго и Вседержительнаго Духа да веслится и возглаголет в нас велении своими, да тако и в нас прославится дивный во святых своих Бог, в Троице поклоняемый, ему же слава во века веков. Аминь.

Рейтинг@Mail.ru
Яндекс.Метрика

© Софийский кафедральный собор Великого Новгорода: История и современность

Перепечатка в интернете разрешена при условии наличия активной ссылки на сайт