Ваш браузер устарел. Рекомендуем обновить его до последней версии.

Икона Божией Матери ЗнамениеИкона Божией Матери Знамение

.+.+.+.+.+.+.

Преподобному Варлааму Хутынскому.                                                                Преподобному Ксенофонту Робейскому.

ПРЕПОДОБНЫЙ ЕФРЕМ ПЕРЕКОМСКИЙ

 

Тропарь, глас 4

От юности твоея весь Богови поработился еси, блаженне, / и Того ради любви отечество и род оставил еси, / в пустыню вселився, в нейже жестокое житие показав, / и чудес дарования от Бога приял еси, Ефреме преподобне, / моли Христа Бога, да спасет души наша.

 

Кондак, глас 8

Ангельскому житию поревновав, преподобне, / вся земная оставив, ко Христу претекл еси, / и Того заповедьми ограждся, явился еси столп непоколебим от вражиих нападений. / Тем зовем ти: / радуйся, Ефреме, светило пресветлое.

 

Величание.

Ублажаем тя,/ преподобне отче Ефреме,/ и чтим святую память твою,/ наставниче монахов и собеседниче Ангелов.

 

Молитва читавшаяся в Никольском Перекомском монастыре.

О преподобне и богоносне отче Ефреме, великий чудотворче и заступниче наш верный!

Услыши молебные гласы наша, тебе усердно приносимыя, и воззри на ны милостивно. Подажь нам скорое от бед избавление, отъими от сердец наших скорбь и сетование греховное, уврачуй душевныя наша телесныя немощи, и испроси нам у всеблагаго Бога грехов отпущение, и вся благая молитвами твоими свыше нам низпосли; тебе бо дадеся благодать молитися за ны, и никтоже, с верою притекаяй к раце мощей твоих, от тебе безпомощен исходит. Тобою дуси нечистии от человека прогоняются, тобою здравие раслабленнии приемлют, и различными недуги одержими исцелевают: ты всем врач изящный и предивный являешися и всех благая хотения исполняеши. Сотвори убо, угодниче Христов, да и мы во обители твоей живущии и вси с верою и любовию к тебе ныне притекшии к чудотворней твоей раце предстоящии, мирно и благоденственно временное житие поживем, и в будущем веце Царствие небесное наследим, и вкупе с тобою прославим Единосущную Троицу, Отца и Сына и Святаго Духа, во веки веков. Аминь.

Рейтинг@Mail.ru
Яндекс.Метрика

© Софийский кафедральный собор Великого Новгорода: История и современность

Перепечатка в интернете разрешена при условии наличия активной ссылки на сайт