Ваш браузер устарел. Рекомендуем обновить его до последней версии.

Икона Божией Матери ЗнамениеИкона Божией Матери Знамение

.+.+.+.+.+.+.

Св.благ.князю Феодору Ярославичу.                                                                                          Праведной Гликерии деве.

ПРЕПОДОБНЫЙ АРСЕНИЙ НОВГОРОДСКИЙ, ХРИСТА РАДИ ЮРОДИВЫЙ

 

Тропарь, глас 1

Божественною любовию разгоревся,/ вся мирская пристрастия отринул еси,/ крест же Христов на рамо взем,/ во след Его изволил еси ходити,/ отечество твое оставив,/ Великаго Новаграда достигл еси/ и, работая Богови невозвратным помыслом,/ дарования чудотворений сподобился еси./ Темже, чтутце тя, преподобне Арсение, вопием:/ слава Давшему ти крепость,/ слава Венчавшему тя,/ слава Действующему тобою всем исцеления.

 

Кондак, глас 4

Тяжелоносныя волны тимения отгна,/ и вся плотская двизания/ и, похоти палящия нивочтоже вменив,/ взем крест и пойде вслед Христа,/ Имже наставляемь, лукавыя сети до конца раздра/ и под ногами предложи,/ молимтися, преподобне отче Арсение,/ избави нас от належащих на ны соблазн,/ ты бо еси Великому Новуграду похвала и утверждение и сущим в печалех радость.

 

Величание.

Ублажаем тя,/ преподобне отче Арсение,/ и чтим святую память твою,/ наставниче монахов и собеседниче Ангелов.

 

Молитва, читавшаяся в Мало-Кирилловском монастыре.

О угодниче Божий, преподобне Арсение преблаженне, душею на небеси престолу Божию предстояй и Троичныя славы наслаждаяся, телом же на земли в Божественнем храме почиваяй!  Призри милостивым оком на предстоящия честней раце твоей люди и просящия святыя твоея помощи.  Яко стяжавый дерзновение пред Господем, испроси Церкви Его благостояние, воздуха благорастворение, земли плодоносие. Избави же всех, верою несумненною к Богу приходящих и память твою благоговейно почитающих, от всяких бед  душевных и телесных, от всех томлений и прилогов диавольских. Яко да твоими молитвами наставляеми, путь маловременного жития нашего на земли безбедно совершим, и нескончаемый покой на небеси улучивше, прославим купно с тобою всех благих Подателя, Единого в Троице славимаго Бога, Отца и Сына и Святаго Духа, ныне и присно и во веки веков. Аминь.

 

Молитва иная.

О, преподобне отче наш Арсение, услыши м я, раба твоего, молящагося тебе и призывающаго в молитвах святое твое имя, и милостив буди  и скор за многогрешныя рабы твоя принести молитвы и моления ко Вседержителю Господу нашему Иисусу Христу и Пречистей  Его Матери и Приснодеве Марии,  да твоими святыми молитвами избавимся всякого наития злаго, и помилуй нас, на тя уповающих, ныне и присно и во веки веков . Аминь.

Рейтинг@Mail.ru
Яндекс.Метрика

© Софийский кафедральный собор Великого Новгорода: История и современность

Перепечатка в интернете разрешена при условии наличия активной ссылки на сайт